العلاج المعرفي السلوكي : C B T

كتير منا بيسمع عن العلاج المعرفي السلوكي وممكن نكون مانعرفش حاجه عن تفاصيله ومانعرفش ازاي بيغير البشر 🤔 !!
ولما يجي المعالج يقولنا احنا هنشتغل في الجلسات بنظام العلاج المعرفي السلوكي بنكون مش فاهمين ايه العلاج ده !!🤔

تعالوا نتكلم في الموضوع ده ببساطه خاااالص ايه اللي احنا كمعالجين بنعمله في الجلسات وإيه هو العلاج المعرفي السلوكي 😎🤠 ؟؟

في البدايه تعالوا نعرف مين صاحب العلاج المعرفي السلوكي : مؤسس العلاج المعرفي السلوكي هو أرون ت. بيك وهو طبيب نفسي أمريكى – في جامعة بنسلفانيا .

طب ايه هو العلاج المعرفي السلوكي :🧐🤓 "بيك" كان شايف إن الانسان بيكون نظرة سلبية عن نفسه وعن المستقبل وعن الماضي وعن العالم كله☹️ ، نظرته السلبية ديه هي اللي بتأثر علي أفكاره و علي معتقداته وعلي قيمه😞 ، مش بس كده، لا كمان بتأثر على مشاعره فطول الوقت بيكون الانسان عايش بمشاعر الحزن و الضيق و القلق دايماً 😞،

بردوا مش بس كده، ده كمان بيأثر علي سلوكه فيفضل طول الوقت منسحب وعايش لوحده أو بيحب العزله أو قلقان وخايف إنه يفقد حد عزيز عليه😭

إيه الكلام ده ؟!!!🤔

طب تعالوا نوضحها ببساطه اكتر😃

"بيك" شايف إن تركيبة الانسان عباره عن 3 دواير كبار (افكار. مشاعر. سلوكيات.)

لما الفرد يتحط في موقف أو يتذكر الأحداث اللي حصلت في الماضي أو يتخيل الأحداث اللي هتحصل في المستقبل فبيبدأ يدرك أو يفكر بشكل سلبي ، أفكاره ديه بتحرك دايرة المشاعر فيبدا يكتئب ويحزن بسبب أحداث الماضي أو يقلق بسبب المستقبل المجهول فبالتالي ده هيحرك دايرة السلوكيات فيبدأ الفرد ميقدرش يروح الشغل أو مش قادر يذاكر أو مش قادر يخرج مع أصحابه أو يتعصب بشكل أوفر اوووي و هكذا

وجهة نظر "بيك" إن مشاعر الناس و سلوكايتهم تتأثر سلبياً أو ايجابياً بإدراكهم للمواقف والأحداث والأشخاص والذكريات فإذا كان التفكير والإدراك لهذه المواقف والأحداث والأشخاص والذكريات إدراكاً إيجابياً ، كانت المشاعر والمزاج والسلوك إيجابياً ، و العكس صحيح.

ده يوصلنا بأننا نقدر نتحكم في مشاعرنا و في سلوكيتنا من خلال تفسيرنا و إدراكنا للاحداث وده أهمية الأفكار و طريقه التفكير في العلاج النفسي

تعالوا ندي امثلة توضح كل الكلام ده:🤠

1- شخص عنده بكره Presentation (ده كده موقف) (عنده فكره او معتقد ) إنه مش هيعرف يعمل presentation أو هيكون ادائه وحش وأن الناس هتنتقده ومش هيعجبهم presentation و ده هيأثر علي مشاعره إنه هيكون قلقان جدا و خايف لدرجه كبيرة فيقرر إنه مش هيروح !!!!!.😫 كل ده حصل بناءاً علي أفكاره السلبية عن نفسه و عن المستقبل

2- بنت جت من الجامعه دخلت البيت بتقول لمامتها ازيك يا ماما 😀 ، ( الام مردتش عليها💔😾) البنت جتلها فكره ان مامتها اصلاً مش مهتمية بيها و مش بتحبها💔 مشاعرها ضيق وحزن لدرجه كبيرة جداااا💔 سلوكها إنها بقت تكلم مامتها بزعيق و عصبية كل ما الأم تطلب منها حاجه 🙀 البنت فكرت بشكل سلبي في الموقف ده في حين لو كانت أخدت بالها كانت لقت ان مامتها ممكن تكون مسمعتش أو مكنتش لابسه سماعة الاذن علشان سمعها ضعيف

3- شخص عنده شويه صداع أو تعب في معدته وبيجيله بسبب كده فكرة إنه هيموت و هيفقد كل الناس اللي بيحبهم و ازاي الناس هتعيش من بعده💔 فيفضل طول الوقت عايش بمشاعر القلق ديه من المستقبل لدرجه إنه مش عارف يستمتع بحياته فيفضل طول الوقت يروح عند كل الدكاتره ويكشف و كل شويه ويعمل تحاليل و اشاعات أو كل شويه يطمن علي أهله أو الناس اللي بيحبهم "بيك" بيسمي إن الأفكار اللي طلعت علطول في المواقف ديه أفكار تلقائية💥، الأفكار التلقائية ديه بتطلع بسرعه⚡ في الموقف وللأسف مش بننتبه ليها بسهوله لكن بنتبهه للمشاعر المصاحبه ليها زي مشاعر الحزن و اليأس و القلق و الفقد والدهشه و الحيرة و هكذا💔

طب احنا كمعالجين بنتشغل ازاي بالعلاج المعرفي السلوكي : 🤓 ؟؟

إحنا من خلال الجلسات النفسية بنشتغل في البدايه علي الأفكار التلقائية ديه لإنها أقرب إلي السطح و بنعلم الشخص ازاي يتعرف عليها و ازاي يقيمها و يعدلها و يبدأ يشوف الامور من زوايه تانية ،

كل ده هدفه : التخلص من الأعراض النفسية 🤠 ،وبعد كده بنبدأ ندخل في حاجه اسمها المعتقدات الوسيطة ، المعتقدات الوسيطة هي القواعد و التوجيهات والإفتراضات اللي بيتبنها الشخص زي ( لو جيت علي نفسي في علاقتي مع الناس هيمسكوا بيا) 🥺 وأخر حاجه بنتدخل فيها هي المعتقدات الجوهرية، المعتقدات الجوهرية هي أفكار كلية مطلقة وجامدة عن الذات أو الاخرين زي ( محدش بيحبني ) (محدش بيهتم بيا)😫💔

لما بنكلم مع الشخص بنكتشف حاجه اسمها الأخطاء المعرفيه أو التشوهات المعرفية ،

طب إيه أشهر أخطاء التفكير ؟؟ :

- تفكير الكل أو للاشيئ: - بيشوف الأمور يإما أبيض يا إما أسود ,إما جيدة وإما سيئة، إما الحصول على كل شيء أو لا شيء، وإما أن نكون مثاليين وإما نعلن فشلنا؛ فلا توجد أرضية مشتركة. مثلا عندما لايكون مثالياً تماماً بيشوف الشخص نفسه على إنه فاشل تماماً. - هأفشل في كل شئ

- التعميم الزائد: من خلاله بيشوف الشخص موقف سلبي على إنه جزء من سلسلة لا تنتهى من الأحداث السلبية الأخرى, أو يقوم الشخص بتعميم استنتاج من موقف خاص إلي موقف عام أو قاعدة عامة. فمثلًا لو اتقدمت ليك خدمة سيئة في أحد المطاعم فتفكر إن جميع مطاعم المدينة سيئة، ولو تعرضت للخيانة من أحد الأصدقاء فتفكر إن الخيانة صفة أصيلة في كل الناس فتقرر الانعزال عنهم.

- القفز الى الإستنتاجات: وفيها بيقوم الشخص بالوصول لتفسيرات سلبية على الرغم من عدم وجود أدلة تؤيد الاستنتاجات دي,

وينقسم الي نوعين فرعيين هما:

أ- قراءة العقل: أنت تفترض أنك تعرف اللي الناس بتفكر فيه من غير مايكون عندك دليل كافي على أفكارهم "هو بيستحقرنى" من غير ما تتأكد من الاستنتاج ده.

ب- قراءة المستقبل: بتفتكر إنك بتتنبأ بالمستقبل, وده بيخليك تفتكر إن الأشياء هتكون أسوأ أو إن في خطرقادم زي "أنا هسقط في الامتحان" "هاخسر وظيفتى". - عبارات "يجب" أو "ينبغى" - بيكون عندك توقعات عن ايه الل ينبغى تعمله انت و الآخرين وازاي يتصرفوا وبتضايق لو ماحصلش. زي: شيء مرعب إني أغلط ..، ينبغى على دائما اني أتصرف بطريقه كامله. - أنا لازم أرضي كل الناس" - المفروض كل الناس تراعى مشاعري

- التصنيف: ومعناها إنك بتنسب السمات السلبية العامة لنفسك و للاخرين زي: "أنا سيئ" "أنا غبي" "أنا منحوس" "أنا فاشل" مثلا: "هو غبي" "هو شخص حقير"

- الشخصنة: الشخص بيكون شايف نفسه مسئول بصورة كبيرة عن بعض الأحداث الخارجية السلبية مع إهمال بعض العوامل التانيه أو الأسباب التانيه زي: السبب إن ابنى اللي في الجامعة مجبش درجات كويسة - أنا اللي موت ابنى علشان كنت المفروض أكشف عليه عند أكثر من دكتور.

- المقارنات المستمرة: بتفسر الأحداث في ضوء معايير غير واقعية, فعلى سبيل المثال إنك بتركز بشكل أساسي على الأخرين اللي بيأديوا أفضل منك و تلاقي نفسك أقل في المقارنة "هي أنجح مني

- الانتقاء السلبي: - بتقوم بالتركيز على الأاحداث السلبية و بتهمل الأحداث الإيجابية أو بتقوم بالتركيز على الجوانب السلبية فقط للحدث,زي: بقعة الحبر التى لوثت العباية البيضاء.

- التضخيم أو التهوين والتصغير: - إنك بتعتقد إن اللي حصل واللي هيحصل هيكون مرعب ومش هتقدر تستحمله تحمله أو توقفه أو تقلل من الصفات الايجابية .

التهوين: أنا نجحت في الامتحان فبقول ما ده الطبيعى ما كل الناس بتنجح

 

طب تعالوا نشوف ايه الاستراتيجيات اللي بنستخدمها في العلاج المعرفي السلوكي: 1

- جدول المراقبه الذاتية:🧐 هدفها رصد و تسجيل الأفكار التلقائية، بعد كده القيام بعملية اختبار الواقع لتلك الأفكار والكشف عن التحيزات وتشوهات التفكير عشان نوصل إلي أفكار متوازنة و أكثر واقعية و ده بيكون شكل الجدول

2- الاسئلة السقراطية: هي بتكون مجموعه من الاسئلة المعالج بيواجها للشخص حول فكره أو معتقد معين بهدف مساعده الشخص علي إعادة النظر في أفكاره غير الواقعية أو النظر للأفكار بطريقة مختلفة،

الاسئلة بتكون زي:

- ايه دليلك إن الفكره ديه صح؟
- ممكن يكون في تفسير تاني؟
- ايه أسوء حاجه ممكن تحصل؟ و ازاي ممكن تتعايش معاها؟
-ايه أحسن الاحتمالات؟ و ايه النتيجة اللي اكثر واقعية؟
- ما تأثير اعتقاداتي علي أفكاري التلقائية ؟
- لو كان صديقك في نفس الموقف ولديه نفس الأفكار بتاعتك، ساعتها هتقوله ايه؟

3- المتصل المعرفي :

4-لعب دور المنطقي - العاطفي : بيتحاور المعالج مع الشخص حول فكرة معينه ويلعب المعالج الدور المنطقي و يلعب الشخص الدور العاطفي ، وبعد كده بيتم قلب الادوار بحيث بيتبني المعالج دور الشخص (اللي هو الدور  العاطفي) و يتبني الشخص دور المعالج ( اللي هو الدور العقلاني )

5- العبارات الايجابية عن النفس: هي بتكون أجنده يومية أو ممكن تكون ورقه ملونة بيكتب فيها الشخص كلام إيجابي عن نفسه أو الإنجازات اللي عملها في يومه أو في حياته كلها 📝 و يخليها قدام عينه طول الوقت علي مراية الحمام مثلا أو علي مكتبه📌📜(و ديه مهمه المعالج ان يخليه يكتشف نفسه و يطلع للشخص صفات ايجابية فيه )😃😀

6- فنية صرف الانتباه: بنستخدم الفنيه ديه أكتر مع حالات القلق ، لإن الشخص بيكون مركز أووووي علي أعراضه فإحنا كمعالجين بنكون عاوزين نخليه يبعد تركيزه و إنتباهه شوية عن أعراضه فنخليه يمارس فنية صرف الانتباه بأنه لما يجيله أي فكره صغيرة عن مشكلته أو عن أعراض القلق يبدأ يعمل تمارين عقلية زي 100-8 و يفضل يطرح و يعمل عمليات حسابية أو يتذكر أحداث إيجابية حصلته في حياته زي مثلا رحله كان مبسوط بيها لما طلعها او يبدأ يركز علي البيئة المحيطة بيه (بصراحه بيني و بينكم الفنية ديه كعلاج مؤقت للمشكله بتاعتنا ،لازم نستخدم معاها فنيات تانيه )

7- تمارين الاسترخاء: بنستخدم : - الاسترخاء بالتنفس العميق - الاسترخاء العضلي

8- التعرض: احنا كمعالجين بنستخدم فنية التعرض مع الأشخاص اللي بيخافوا يتعرضوا للمواقف معينة زي مثلا خوف الشخص من إنه يتكلم قدام الناس بنستخدم معاه الأول التعرض التخيلي وبعد كده التعرض المتدرج للموقف😉

9- جدولة الانشطه : ديه بتكون قائمة من الأنشطة و السلوكيات اللي بنتفق عليها إن الشخص يعملها في خلال الاسبوع زي شراء أشياء مفضله عن الشخص ، أو الخروج مع الأصدقاء ، أو السفر 😺 ليه احنا كمعالجين بنطلب حاجه زي كده من الشخص ؟!🤔 عشان احنا طول الوقت بنكون مشغولين أوووي في حياتنا أو في جانب واحد زي مثلا الجانب الوظيفي بقت حياتنا روتينيه أووووي و بسبب الروتين ده بقينا نحس بالملل و الخنقه و الضيق 😐 فبنبدأ نعمل سلوكيات و أنشطه مختلفه شويه بحيث ينعكس علي مشاعرنا بالإيجاب زي مشاعر السرور و البهجة و الراحة 🤩🙃 10- حل المشكلات: شخص عنده مشكله و مش عارف يحلها فنبدأ نحدد المشكله بشكل واقعي و بنفكر في الحلول اللي بتخطر علي بالنا و بعد كده بنقيم كل حل و نسبة نجاحه و و بعد كده بنختار انسب حل، و نبدأ نحط خطه لتنفيذه و كل شويه نقيم الحل ده 🙂

11- اتخاذ القرارات: شخص مش عارف ياخد قرارات في حياته فنبدأ نشتغل معاها ازاي يعرف يختار انسب القرار بالنسباله ، و بنساعده بأنه يكتسب المهارات اللي بتساعده علي كده🤠

12- طريقه الفطيرة الايضاحية: ينرسم دائرة و بنقسم فيها جوانب الحياة للشخص مثل الجانب الصحي والجانب الاسري والجانب العلمي والجانب الوظيفي والجانب الإجتماعي والجانب الروحاني والجانب الجنسي ونحدد في كل جانب هدف فيه و نبدأ نشتغل علي الهدف ده بحيث نركز علي جانب واحد.

13- المقارنات الوظيفية: بنعلم الشخص إنه ميقارنش نفسه بالاخرين بل بالعكس يقارن نفسه قبل العلاج و بعد العلاج و التحسن اللي وصله. 🤠

 

وفي النهايه لو حابب تعرف أكتر عن الموضوع ده تقدر تتفرج على الفيديو .. ولو حضرتك أو حد عزيز عليك بيعاني من أي اضطراب نفسي تقدر تتواصل معانا وتزورنا في أقرب فرع من فروع عياداتنا

إعداد : أستاذة / بسنت مجدي

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم : learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T