اضطراب السلوك عند المراهقين : Conduct disorder

كثير من الأمهات بيتجيلنا العيادة عادة بشكوى إن إبني عدواني 🙀

بيضرب الولاد اللي حواليه جامد ..بيشتم بألفاظ خارجة ..بيكذب كتير ..بيسرق كتير في البيت أو بره البيت ..بيعند معانا وبيعمل مشاكل كتير في المدرسة وبعد مايخرج من المدرسة ..بيمسك القطط 🐱والحيونات🐭🐱 يعذبها ..بيكسر الحاجات في البيت ويخربها...عنده ٨ سنين وبيشرب سجاير أو مخدرات ... بيهرب من البيت كتير .

الأباء والأمهات بيجولنا العيادة بعد مايكونوا حاولوا بكل الطرق الممكنة إنهم يوقفوا إبنهم أو بنتهم عن السلوكيات دي ..وفشلوا في إنهم يغيروا السلوكيات دي عند أبناؤهم وساعتها احنا بنعرفهم إن ابنهم عنده اضطراب المسلك....


طيب يعني إيه اضطراب السلوك عند المراهقين واللي بنقول عليه اضطراب  المسلك 🤔 ؟؟

ده معناه إن ابنك عنده بعض من المشكلات السلوكية اللي هنذكرها دلوقتي واللي بتأثر على حياته وحياة اللي حواليه واللي بسبب المشكلات دي ممكن حياته تدمر للأبد ..وبدل مايكون شخص صالح في المجتمع ممكن يبقى بعد الشر مشروع مجرم أو مدمن 💉...

 

✅ طيب ايه هي أشهر أعراض اضطراب المسلك ؟؟

1- بيكون الطفل أو المراهق عنيف مع الأشخاص الاخرين وممكن يضرب ويؤذي اللي حواليه بايده أو أي حاجه معاه زي طوبه أو عصايه أو حديدة أو سكينه، وبيعمل ده من غير مايفكر في العواقب ومن غير حتى ما بيحس بالذنب🗡🔪⚔️.

2- بيتعمد مضايقه الأخرين وبيناديهم بأسامي تضايقهم ويتنمر عليهم🤪🤪.

3- بيسب ويشتم، وبيستخدم ألفاظ خارجه في كلامه🤷.

4- بيهدد الأطفال التانيين إنه هيضربهم أو يؤذيهم🔪.

5- يبدأ هو بالضرب وبداية الخناقه مع الاطفال التانية🤼‍♀️.

6- بيحب يصاحب أو يخالط أطفال سلوكهم سئ🥷.

7-بيكون قاسي علي الحيوانات وممكن نلاقي الطفل يمسك القطط من ديلها ويعذبها أو يربطها بحبل ويجرها .. أو يشوط القطط برجله أو يخنق الفراخ أو العصافير أو أي حيوانات تانية، وما بيحسش بالذنب لما يؤذي حيوان🐷🐤🐣🐔

. 8- بيحب يستخدم النار ويولع وممكن يشعل حريقه في البيت بقصد أو من غير قصد🧨

.9- بيحب يكسر ويخرب ممتلكات الاخرين بقصد منه⚒

.10- لما يغضب بيحب يكسر الحاجات الخاصه بيه.

11- بيكذب كتير جدا بهدف الحصول علي مصلحة أو علشان يهرب من الواجب أو لو الأم طلبت منه حاجه يكذب علشان يهرب منها.

12- لما يحكي موقف يكذب في كلامه، وبيكذب علشان يهرب من العقاب أو بيحب يكذب علشان يرمي أخطاءه علي الاخرين🤔.

13- بيكذب لما يكون عايز فلوس ويطلب مثلا الفلوس بهدف الدرس ويأخدها ويصرفها في حاجات تانيه🤭.

14- بيسرق أدوات أو لعب إخواته من البيت أو يسرقها من زملاؤه بالمدرسة💵💰.

15- يسرق فلوس من البيت أو من بيوت الأقارب أو من المدرسة🥷.

16- بيسرق من محلات، أو يشترك مع اصحاب السوء في سرقه اشياء من الشارع أو في الاحتيال🥷.

17- ممكن يسرق بالاكراه، ويشترك مع اصحابه في تهديد الناس وسرقتهم🥷.

18- بيهرب من المدرسة أو يغيب من غير إذن أو ميحضرش الحصص في المدرسة🏚🏃.

19- يشتكي المدرسين من عدم سماعه للتعليمات في المدرسة.

20- بيخرج مع اصحابه ويتأخر بره البيت من غير ما يستأذن.

21- يهرب من البيت ويبات بره دون معرفه الوالدين. وممكن يبات بالأيام أو الاسابيع بره البيت هربان🏚🏃.

22- مش يسمع كلام الوالدين في البيت ويعند معاهم وبيحب يجادل مع الكبار.

23- مزاجه متقلب كتير وبيغضب علي أتفه الأسباب🤬.

24- بيشرب سجاير أو الموضوع ممكن يتطور ويشرب حشيش أو خمور أو أي مخدرات تانيه🚬🚭.

25- بيتفرج علي أفلام جنسية لوحده أو مع أصحابه.

26-  ممكن يتحرش بحد في الشارع أو حتى يتحرش باخواته البنات، أو ممكن يمارس الجنس مع ولد تاني.

27- بيقوم بسلوكيات جنسية خارجة في المدرسة مع زملاؤه.

\✅ ملحوظة : ساعات اضطراب المسلك بيحصل لوحده وساعات بيحصل مع اضطرابات أخري زي تشتت الانتباه وفرط الحركة ، اضطراب العناد الشارد، الاكتئاب😱.

 


 

🛎 طيب ايه أسباب اضطراب المسلك ؟؟

- العوامل الوالديه : زي القسوة والمعاملة الجافة من الوالدين ..أو العنف سواء جسدي أو لفظي من الوالدين ناحية الطفل

- الطلاق والانفصال أو حتى تكرار الخناقات والمشاكل بين الوالدين .

- الإساءة إلي الأطفال في سن مبكرة (الاعتداء الجسدي والجنسي).

- الشخصية المضادة للمجتمع للوالدين. - إدمان الوالدين المخدرات سواء واحد فيهم أو الاتنين

- إهمال الطفل وعدم التواصل معاه. - إصابة أحد الوالدين بمرض عقلي أو نفسي.

- عوامل نفسية: زي اضطراب علاقة الطفل بالأم👩‍👦 ..زي إن الأم تكون قاسية أو غير قادرة على إشباع حاجات الطفل البيولوجية والنفسية.

- سيطرة شخصية الأم أو غياب الأب👻: فالأطفال اللي بيعانوا غياب آبائهم بسبب السفر أو العمل لمدة طويلة بيكونوا عرضة لاضطراب المسلك أكثر من غيرهم.

- الشعور بالإحباط😩: فدايما الطفل اللي بيكون حاسس إنه فاشل وإنه مش هيقدر يحقق طموحاته بسبب نقط ضعف عنه (زي ضعف إمكانياته وملكاته الجسمانية أو النفسية)

أو الأسرة اللي مش بتسمح بالتعبير عن نفسه؛ فبيلجأ للسلوكيات العدوانية كتعويض وكنوع من إثبات الذات وإنه يعاقب الناس التانية اللي أحبطته🥷🚬.

✅ ملحوظة مهمة جدا : اضطراب المسلك من الاضطرابات السلوكية الخطيرة جدا ولو ما اتعالجش صح فده اللي بيحول الأطفال اللي بيعانوا منه لما يكبروا لمجرمين ويكون سلوكهم معادي للمجتمع🥷 .

🛎 طيب ازاي بنتعامل مع المراهقين اللي بيعانوا من الاضطراب ده لما بيزورونا في العياده ؟؟

1- نقوم بعمل جلسات ارشاد اسري للوالدين لممارسة الأساليب التربوية السليمة، والتوعية بمخاطر الإساءة بجميع أنواعها والإهمال ودورها في ظهور اضطراب المسلك👨‍👩‍👧‍👦.

2- تنظيم برامج إرشادية للوالدين للتوعية بأساليب التنشئة الغلط التي بتؤدي لإنخفاض تقدير الذات للطفل واستبدالها بأساليب تنشئة إيجابية لتنمية تقدير ذات مرتفع 🏆

. 3- عمل جلسات علاج معرفي سلوكي للمصابين بإضطراب المسلك وده علشان ندعم الجوانب الايجابية في الطفل من خلال التشجيع المعنوي والمكافآت، كمان بنشتغل على إضعاف الجوانب السلبية من خلال نظام الحرمان (العقوبات العلاجية)، كمان بنقوم بتصحيح أفكار الطفل وتصوراته الخاطئة اللي بيبني عليها سلوكياته المضطربة🧒.

4- تدريب الطفل علي المهارات الاجتماعية للتعامل مع بيئتة، وتدريبه علي الدفاع عن النفس دون استخدام العنف🤼

. 5- وطبعا العلاج بيكون أكثر نجاحا لما بنعمل إشراك لعائلة الطفل في عملية العلاج👨‍👩‍👧‍👦.

وفي النهاية..لو عايز تعرف أكتر عن الاضطراب ده تقدر تتفرج على الفيديو .. و لو طفلك بيعاني من المشكله دي أو مشكلة نفسية أو سلوكية تانيه ..تقدر تتواصل معانا من خلال صفحتنا ومن خلال أرقامناأو تقدر تزرنا في أقرب فرع ليك من فروع عياداتنا  👏👏

إعداد : أستاذة / داليا فاروق

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم: learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T