الإدمان : addiction

هنتكلم النهارده عن موضوع مهم جدا لمعظم الناس خصوصا المراهقين والشباب 🚶‍♂️🏃‍♂️ ...

موضوعنا استمد أهميته مش بس بسبب انتشاره الواسع علي مستوي العالم .. ولكن برده بسبب الزياده الطرديه الشديده ليه في الوقت الحالي في معظم دول العالم وفشل كتير من الحكومات للأسف في السيطره عليه 😇

هنتكلم النهارده عن موضوع الادمان للمخدرات 🚬🥃

ضروري قبل مانبدأ ندخل في تفاصيل الموضوع ده نعرف الأول يعني ايه إدمان ؟؟ 🤔

الادمان معناه الاعتياد النفسي والاعتماد السلوكي والجسماني علي تعاطي ماده معينه علشان نعمل تغير نفسي وفسيولوجي معين الشخص عايز يحس بيه .. ومع الوقت بيكون محتاج تكرار وزياده كميه الماده لاحداث نفس التغيير المطلوب 😱😱

طيب تفتكروا ليه ده بيحصل ؟؟🤔😇

ببساطه المخ البشري فيه جهاز اسمه

reward system أو نظام المكافأه وده المسؤول عن احساسنا بالنشوه والبهجه والانبساط 😁😂

النظام ده بيشتغل لما نعمل سلوك كويس أو نمر بلحظات مبهجه فيبدأ يشتغل ويحسسنا بالاحاسيس الحلوه اللي بنحسها جوانا ساعتها 😁 المواد اللي بيتعاطاها الشخص بتشتغل علي نظام المكافئه ده وبتنشطه !! فبمجرد ما ياخد الماده دي بيشعر بالبهجه والانتصار والنشوه والسعاده بدون فعل أي سلوك يؤدي لكده 💃..

ومع الوقت بتبقي الكميه اللي بياخدها مش كافيه انها تشغل النظام ده فيتضطر إنه يزود عشان يوصل لنفس البهجه والسعاده 😂😀

طيب ايه اللي ممكن يخلي حد يدخل في الدايره دي ؟؟ 🤔😇

فيه اسباب كتير جدا للادمان وبنحب نقسمها ل3اسباب رئيسيه وهي :

العوامل البيولوجيه زي

1. الوراثه 🧬: وده لإن العامل الوراثي ليه علاقه بزيادة فرص الادمان عند الشخص

2. وجود آلام جسمانيه مزمنه عند الشخص ده 🤕

3. إدمان الأم أثناء الحمل 🤰وده اللي بيخلي الطفل معتمد عالماده بعد الولاده

أما عن العوامل النفسيه فبتكون زي :

1. وجود مرض نفسي زي القلق والاكتئاب 😭😔

2. وجود اضطرابات في الشخصيه 🧟‍♂️زي الشخصيه الحديه والشخصيه المضاده للمجتمع والشخصيه الاعتماديه

4. ضعف الشخصيه 🧏 وخصوصا لو الموضوع وصل بالمريض إنه يعاني من الرهاب الاجتماعي أو الشخصيه التجنبيه

5. العناد 😣 وخصوصا لو الموضوع وصل بالمريض إنه يبقى عنده اضطرابات في سلوكه

6. الإحباط مع غياب الهدف ☹️ وده اللي بيخللي المريض يهرب من الواقع من خلال لجوئه لتعاطي المخدرات

7. وجود افكار خاطئه عند المريض 💡زي أن المخدرات بتزود الطاقه الجنسيه 🧚.. أو انها بتساعد في الشغل أو المذاكره

كمان في عوامل الاجتماعيه زي ..

1. اضطراب الاسره 👨‍👩‍👧‍👧 ووجود مشاكل كبيره بالأسره

2. التخبط والتناقض المجتمعي 😓

3. نقص المشاركه للشباب

4. الإحباط الجماعي

5. غياب القيم الروحيه

6. ضعف العمليه التعليميه مع انتشار المخدرات

كل اللي فات ده عوامل ممكن تدخل الإنسان للأسف في دائره الادمان

طيب ايه المواد اللي ممكن تصنف مواد ادمانيه ؟؟ 🤔

بتتقسم المواد الادمانيه ل 3اقسام 3️⃣:

أول قسم : وده اللي بيكون فيه المواد المثبطه للجهاز العصبي زي الهيروين والمورفين

تاني قسم : وده اللي بيكون فيه المواد المحفزه للجهاز العصبي زي الكوكايين

تالت قسم وده اللي بيكون فيه المهلوسات زي الحشيش والبانجو والحبوب المهلوسه

كمان بتختلف المواد دي برده في طريقه تعاطيها

سواء كانت عن طريق الشم زي الهروين والكوكايين
أو عن طريق التدخين🚬 زي الحشيش والبانجو والمواد المخدره المصنعه
أو عن طريق الفم 💊🥃زي الترامادول والعقاقير الكيميائيه والكحول أو عن طريق الحقن الوريدي 💉زي المورفين والهيروين

طيب بعد ما عرفنا مع بعض تقسيمه المواد المخدرة نيجي بقي للعلاج 💊..

مافيش شك إن أول وآخر طريقه لعلاج الادمان هي التوقف التام عن تعاطي الماده الادمانيه أيا كانت .. بس ده يخلينا نسأل هو ايه اللي هيحصل لما اوقف ؟؟

أول مرحله بيمر بيها الشخص المتعاطي لما يوقف الادمان هي مرحله أعراض الانسحاب 🤕..

في فترة اعراض الانسحاب بيشتكي الشخص الممتنع من أعراض جسمانيه ونفسيه واللي بتختلف من كل ماده والتانيه من حيث شكلها وقوتها .. واللي هنتكلم عنها بالتفصيل في الاقلاع عن كل ماده مخدره في المواضيع التابعه للموضوع ده  💊

ولكن الجميل في الأمر أنها مرحله صغيره جدا من حيث الوقت !

طيب ايه هي أعراض الانسحاب اللي غالبا بتيجي عند التوقف عن معظم المواد المخدره ؟؟ 🤕🤔

الاعراض الشائعه بتكون ..

1. التوتر والقلق وعدم الاستقرار 🥺😩

2. الخمول وقلة الانتباه وضعف التركيز

3. سرعه الغضب والاستثاره

4. الغثيان والقيء والآلام في الجسم

5. الرعشه

6. اضطرابات في الشهيه

7. كمان بتكون في اعراض أخري بتختلف من كل ماده والتانيه وهنا بقى بيجي دور العلاج الدوائي وهو التدخل ببعض الادويه لتقليل وتحسين الاعراض في الفتره الاولي من التوقف عن الادمان 🤒🤕😫

طيب هل كل الأشخاص بيقدروا يعدوا الفتره ده لوحدهم ؟؟🤔

الاجابه .. طبعا لا مش كل الأشخاص يقدروا يتحملوا فتره الانسحاب دي من غير مساعده طبيب نفسي يكتب للمريض بعض الأدويه اللي تساعده يتخطى الفتره دي بسلاسه

هل بعد مايتخطى المريض الأعراض الانسحابيه بيكتمل علاجه ؟؟ 🤔

على عكس مابيعتقد كتير من الأهالي إن أصعب وأهم مرحله هي مرحلة أعراض الانسحاب ..

لكن للأسف فالعلاج الحقيقي بيبدأ بعد تخطي أعراض الانسحاب وده لإن لو كانت المخدرات بتخرج من جسم المدمن في خلال فترة أعراض الانسحاب ... لكنها بتكون محتاجه كتير من الوقت والجهد والتأهيل النفسي والسلوكي علشان تخرج من عقله وتفكيره ونفسيته وممكن فترة التأهيل دي تستمر

على مدار شهور وهنا بقى بيجي دور المتابعه في العيادات والمصحات و المجتمعات العلاجية "بيوت تأهيل المدمنين"

طيب ايه هي بيوت تأهيل المدمنين دي ؟؟🛖🏚🤔

البيوت دي بيكون فيها مجموعة من الأفراد بيشتركوا كلهم في معاناتهم من مشكلة الإدمان .. ولازم علشان ينضم حد للمجموعات دي يكون عنده رغبة داخلية في الإمتناع عن التعاطي 💪 .

بيكون الهدف من إنشاء المجتمعات دي ...

1. إننا نعمل تغيير كامل في أسلوب حياة المدمن 🏋️‍♂️

2. نخليه يحس بالأمان الداخلي طول الوقت 👩‍👩‍👦

3. نديله إحساس بالمسئولية 💪

4. نعلمه مهارات إجتماعية جديدة 👯‍♀️

5. نقلل من مواقفه العدوانية وسلوكه الإجرامي🦹

والبيوت دي 🏘بتساعد المريض عن طريق عزله عن العالم الخارجي وعن صحاب السوء اللي بيساعدوه علي التعاطي وهيأدوا لإنتكاسته .. وبعد كده بتسمح للمريض بالخروج والرجوع للبيت ولحياته الطبيعية لما يقدروا يتحملوا المسئولية 💪

وفي النهاية ..لوعايز تعرف أكتر عن الاضطراب ده تقدر تتفرج على الفيديو .. ولو بتعاني من المشكلة دي أو حد عزيز عليك بيعاني من الاضطراب ده تقدر تستفسر من خلال صفحتنا أو تتواصل معانا من خلال أرقامنا أو تزورنا في أقرب فرع ليك من فروع عياداتنا .

إعداد : د / محمود أسامه

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم: learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T