إيذاء الذات :self harm

 النهارده هنتكلم عن مشكلة مهمة أووووي و منتشرة أوووي بين الشباب و المراهقين و خصوصاً في البنات 👩‍🦱 ..
و للأسف في مواقع كتير علي النت بتعلمهم السلوكيات ديه😱 وكمان انتشرت في الفترة الأخيرة ديه موضوع cutting now بنلاقيهم بيمسكوا الموس أو دبابيس 📍🗡️أو أي آله حادة و يبدأوا يعوروا إيدهم أو رجلهم طب يعني إيه Self Harm أو إيذاء النفس:

ده معناه إن الشخص بيكون مقرر يأذي نفسه (جسمه) عن طريق آلة حادة يجرح نفسه أو يحرقها 🙀🙀 ..

بس لحظة كده هو بيكون مش هدفه الانتحار !!🤨

- طب إيه اللي يخلي شخص أو بنوتة جميلة في السن ده تعور إيدها ( أو رجلها) بالموس كده و تكون إيديها مشوهه بالشكل ده !!!

بصراحه بيكون في أسباب كتيرة زي :

1- إضطراب الشخصية الحدية

2- سوء المعاملة من الأهل 😾

3- ضغوط و مشاكل كتيرة في الحياة 😣😞سواء مع الأهل أو مع الأصحاب أو في الدراسة أو في الشغل أو حتي مع شريك الحياة.

4- لما بنكون في مرحلة غضب عالية اووووي😡 و مش عارفه أعبر عن مشاعري خااااالص 💔

لما بنسألهم ليه بتعملوا كده و إيه اللي وصلكم لكده؟!🤔

تلاقيهم بيقولوا ..احنا لما بنعمل كده بنستريح أووووي🥰 ..احنا بنكون حاسيين بألم نفسي فظيع ،مش قادرين نتحمله💔
- فبيعملوا كده عشان يحسوا بالألم الجسدي عشان ينسوا الألم النفسي و المعاناه 💔💔..

حتي بنسمع دايماً منهم أنا لما بعمل كده بحس براحه و بمتعه اوووي😊 ، ده أنا أول ما بشوف الدم بحس براحه كبيرة اوووووي و برتاح اوووووي !!
بحس إن الدنيا هديت معايا اوووي و بدأت افوق 😇😊

بس للأسف ده طبعا بيكون شعور مؤقت💔 ..

احنا بس بنكون عمالين نهرب من المشاكل النفسية بإننا نعمل cutting أو self harm ولما نطلع للدنيا بنلاقي المشاكل بتاعتنا ماتحلتش ولسه زي ماهي ومش هتتحل غير لما نواجه و نشوف إيه مشاكلنا و إيه الظروف و الضغوط اللي خليتنا نوصل لكده و نبدأ نحلها 👌
و للاسف احنا بنكون أتعودنا إننا لما بنتعرض لأي ضغط نفسي إننا نعمل self harm ومن كتر مااتعودنا الموضوع مابقاش ممتع ومريح لينا زي الأول ..فبنبدأ إننا نزود الجروح أكثر لحد ما ممكن في مره من الممرات هتوصل لإنتحار😲😱

 

 

- طيب اعرف إزاي أن الشخص بيعمل إيذاء النفس ، أو إيه الأعراض اللي ممكن ألاحظها عليه : 🤠

1- بنلاقي علامات قطع ، خدوش ، كدمات أو علامات جروح

2-الأحتفاظ دايماً بأدوات حادة.📍🗡️🧷⛓️

3- بيلبس أكمام طويلة أو بنطلونات طويلة بالرغم أن الجو بيكون حر جدااا.

4- بيكون صعب علي الشخص أنه يدخل في علاقات إجتماعية جديدة. 💔

5- عدم إستقرار في سلوكه و مشاعره بيكون مندفع جدا و مش بنقدر نتنبأ بأفعاله.🏃‍♂️

6- بتلاقي في كلامه عبارات بتوحي بعدم الأمل و اليأس و إنعدام القيمة.🙍‍♀️

- معلومات إحصائية:

🔳بتبدأ ظهور المشكلة من سن 15 سنة لحد 24 سنة

🔳بتكون منتشرة أكثر في الإناث بحوالي 72% علي عكس الولاد حوالي 66%

ويمكن ده لإن كتير من الولاد بيعوضوا إيذاء الذات بالمخدرات

الوقاية: مهم عشان مانوصلش لمرحله زي كده إننا نعبر عن مشاعرنا و عن نفسنا و كمان ضروري إننا نحب نفسنا 💖 و نتواجد في وسط ناس داعمة لينا 💓

طيب ازاي بنعالج الأشخاص دول لما يزورونا في العياده ؟؟

العلاج: و بيكون عن طريقين:

1- العلاج الدوائي 💊: وده بيكون من خلال بعض الأدوية المضادة للإكتئاب أو مضادات الذهان أو مثبطات المزاج على حسب الحالة بتاعته وسببها ودرجة الإيذاء .
2- الجلسات النفسية👨‍⚕️: بيتم استخدام العلاج الجدلي السلوكي ، بنتعلم تمارين اليقظة ..و نتعلم إزاي ننظم مشاعرنا ..و إزاي نعبر عن مشاعرنا بطرق سليمة من غير مايكون فيها إيذاء للذات ..و نتعلم إزاي نحل مشاكلنا بأفضل طريقة ممكنه ..و بنتعلم مهارات إدارة الضغوط و الأزمات ...و بنتعلم إزاي نتحكم في غضبنا
3- بعض العلاجات النفسية التحليلية واللي بتفرق كتير في معرفة الدوافع اللي خلت الشخص يلجأ لسلوك إيذاء الذات

وفي النهاية ..لو عايز تعرف أكتر عن المشكله دي تقدر تتفرج على الفيديو .. ولو حضرتك أو حد عزيز عليك بيعاني من المشكلة دي أو أي مشكلة نفسية تانية فتقدر تتواصل معانا من خلال صفحتنا وهيرد عليك حد متخصص .. أو تقدر تتواصل على أرقامنا وتزورنا في أحد فروعنا وهتلاقي فريق متخصص تحت أمر حضرتك 😍

إعداد : أستاذة / بسنت مجدي

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم: learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T