الانحرافات الجنسيـــــــــــــــة: paraphilias (sexual deviations)

أي شخص في الدنيا لما بيقرر يمارس سلوك جنسي مع حد بيكون هدفه الأساسي إنه يخلق لنفسه لذة ومتعة واستمتاع جنسي من خلال التلامس أو العلاقة الكاملة ...

وده طبعا بيكون بالاتفاق مع شريكه التاني في العلاقة الجنسية بحيث إن العلاقة دي ترضي وتبسط الطرفين 💑 ⭕

دي العلاقة الجنسية الفطرية الطبيعية بين الزوجين وده اللي بيفرقها عن الانحرافات الجنسية واللي بتختلف في حاجات كتير هنوضحها بعد شوية 🤔

بس على سبيل التصبيره كده .. فضروري تعرفوا إن الانحرافات الجنسية ممكن يكون فيها عنف😩 وفي ضحية 😳،
أو ممكن حتى تتم بدون علم الطرف التاني أو بدون موافقته 😱

بمعنى أصح الانحرافات الجنسية هي عبارة عن كل السلوكيات اللي ممكن تؤذي الأخر وتعرقل الارتباط بينهم بصورة كويسه 🥺

طيب يعني إيه برده إنحراف جنسي 😇؟؟

دي معناها بكل بساطة إن الشخص بيبقى عنده إثارة جنسية شديدة بتتكرر لما يتعرض لموقف معين أو مثير معين الطبيعي إنه مايثيرش حد طبيعي 😱!!
زي مثلا بائع الاحذية اللي بيحس بإثارة جنسية شديدة لمجرد إنه يشوف قدم واحده بتقيس حذاء قدامه وبرده ده هنوضحه بعد شويه 🧏...

ملحوظة كده على السريع 🙋‍♂️:

*بتنتشر الانحرافات الجنسية وبصورة أعلى ما يمكن ما بين سن 15 – 25 عامًا 👈وبتقل تدريجيًا في الخمسينات

✅طب إيه هي أنواع الانحرافات الجنسية عشان ناخد بالنا منها👉 ؟؟

‏ ١) Exhibionism👤 الاستعراض :

وده معناه إن الشخص اللي عنده المشكله دي بيقوم بالتعرى من كل ملابسه ... أو التعري وإظهار قضيبه أمام مجموعة من البنات ..أو ممكن يعمل كدا قدام بنت واحده 🤭
الشخص ده بيختار يعمل كدا عادة في الأماكن اللي بيسكن فيها بنات زي مثلا المدن الجامعية 🤦🏼‍♀️

 



مهم نعرف إن الشخص المتعري دا بيشعر بالمتعه واللذه والإثارة لما بيشوف نظرة الدهشة و الخوف والذعر و الصدمة في عين البنت دي أول ماتشوف عضوه الذكري 🙄😱 😳
حرفيا الشخص ده مش بيفكر في علاقة جنسية مع البنت اللي بيوريها عضوه فجأة ولا حاجه .. هو قمة متعته وإثارته إنه يشوف بس في عينيها نظرات الخوف والفزع😱 والرعب والصدمة😲 🤦🏼‍♀️
ساعتها هو بيحس بإثارة شديدة جدا...فبيقرر بعدها ياخد جنب ويمارس العادة السرية ويحس إنه انبسط واستريح وخلاص على كده 🤭
للاسف في أشخاص كتير بنلاقيهم بيرجعوا يمارسوا السلوك دا مرات كتير وكأنه سلوك قهري وبيفضل يستمر فى الدائره المغلقة دي مهما اتعرض لمشاكل وإحراج بسببها 😱

حبة معلومات مهمة عن المشكلة دي 😉

1. النوع دا من الانحراف بينتشر بين الذكور أكتر كتير جدا جدا جدا من البنات 👤
2. ممكن الشخص يمارس السلوك دا جنب الحياة الجنسية الطبيعية مع زوجتة لكنه بينبسط في السلوك ده أكتر 🙆🏼‍♀️
3. كتير من مرضى النوع ده من الانحراف مش بيعرفوا يتحكموا في نفسهم أو يمنعوا نفسهم عن التعري مهما حاولوا 😰
4. لازم نفرق بين الاستعراض كانحراف جنسي والتعرى أوالناس اللي بتحب تقلع واللي بيكونوا موجودين مثلا على الشواطئ .. لان أصلا الناس المصابين بالاستعراض مش بيحبوا يروحوا الشواطئ ويتعروا هناك🏄😉 لإن تعريهم هناك بيخليهم يفقدوا أهم 👈عنصر في الموضوع أو العامل المهم فى حدوث الإثارة عندهم وهو عنصر المفاجأه 😲 🤦🏼‍♀️
5. في ناس كتير من اللي بتحب تتبول في الشارع بيكون جزء من دوافعهم هو إنهم بيكونوا مصابين بالاضطراب ده بس بيحاولوا يعملوه بطريقه القانون مايحاسبهمش عليها 🤭 ⭕

طيب إيه هي أسباب الاستعراض ؟؟

◾ممكن يكون الشخصده اتعرض لمجموعة من الضغوطات النفسية ومش عارف يتخلص منها
◾الشعور الدائم بالعجز وقلة الحيلة وخصوصا في العلاقات
◾ مرور الشخص بتجربة عاطفية سيئة أثرت فيه أوي💔
◾التربية اللى نشأ فيها ممكن كانت فيها صرامة وشده وعنف
◾ممكن يكون اتعرض لتجارب مبكرة في الطفولة وأدت إلى الانحرافات الجنسية ديه زي تعرضة للإعتداء وده يمكن اللي بيخليه يقبل إنه يأذي الناس وهو شخص ناضج بسبب الاذي اللي اتعرض ليه في الطفولة🤦🏼‍♀️
◾سوء العلاقة بينه وبين الاشخاص القربين منه🧍‍♂️

 

‏ ٢) 👤Fetishism الفيتيشية.

كلنا عارفين الفيلم بتاع (بوز جزمتك ياهانم يدل على أنوثة طاغية 😃)
أهو الفنان اللي كان بيقول الجملة دي كان عنده في الفيلم الاضطراب اللي هنتكلم عليه دلوقتي 😃 🤔
فى ناس بيكون الجنس عندها مش مرتبط بالشخص ولكن بنلاحظ الجنس عندها بيكون مرتبط بجزء من المتعلقات الشخصية اللي بيمتلكها الشخص دا 🤷🏻‍♀️,
فالشخص الي بيكون الجنس عنده بالشكل دا 😳بيكون عنده انحراف جنسي اسمه الفيتيشية 👉
الشخص ده بيسعى دايما إنه يحصل على أي شئ من المرأة🙆🏼‍♀️ حتى لو ممكن يصل به الأمر إنه يسرق جزء من ملابسها 👗 ,
غالبآ بتكون الأشياء دى (الفستان - البنطلون- الملابس الداخلية للمرأة👙 أو حتى جزمتها أو مناكيرها ...
ده كمان فى بعض الأحيان ممكن تكون أجزاء من الجسم زي ( الشعر أو الأظافر)🧤
والغريب إن الاشياء دي بتساعده إنه يوصل لقمة النشوة والإثارة للرغبة الجنسية 🤦🏼‍♀️ وكأنه بالفعل بيمارس الجنس ممارسة كاملة معاها بل بالعكس هو هيحس بالطريقة دي بمتعة أكبر كتير 👀 . ⭕
الانحراف دا مش بيقتصر على الرجاله لكنه بيكون موجود عند الستات ولكن بنسبة أقل كتير جدا😄 .

 

 

➡️كتير من الناس هتسأل طب ليه ياخد أثر منها ..ما يمارس الجنس بصورة كاملة أفضل وأمتع ليه وليها 🤔؟؟
➡️ وسؤال أخر هل أخذ جزء من المرأة بيكون كافى للوصول للإثارة الجنسية ؟؟🤔

في الحقيقة الأشخاص اللى بيكون عندهم النوع دا من الإنحرافات (الفيتيشية) مش بيشعروا بأى مشاعر تجاه المرأه ذات نفسها🤷🏻‍♀️,.. دا ممكن يكون بيشمئز منها كمان,😏 ومش عاوزها في علاقة كاملة ..
هو يكفيه أوي إنه يأخد ( أي حاجة من اترها😄 ) لإن ده اللي بيخليه يواصل الممارسة الجنسية لأخرها وهو في قمة الإثارة🤭

➡️طيب إيه أسباب الفيتيشية 🤔؟؟

◾ممكن يرجع السبب للتجربة الجنسية الاولى مع الستات واللي استخدم فيها الشخص (عوازل طبية أو حاجات تمنع من العلاقة الكاملة الطبيعية ) لأسباب زي منع الحمل أو حاجه تمنع العدوى وبعد تكرار التجربة بقى الشخص واخد على إن الاثارة الجنسية ممكن تتم من غير فعل جنسي كامل 🙆🏼‍♀️.
◾النشأه الاجتماعية والتربية الاسرية اللى نشأ فيها بيكون ليها دور فى نشأة الاضطراب ده وخصوصا لو كان زرعت فيه مشاعر الذنب ناحية العلاقة الجنسية الكاملة أو مشاعر استقذار المرأة 🤦🏼‍♀️.

 

٣)الميل للأحتكاك🔃 frotteuristic

👤. الانحراف ده هو اللي بيحس فيه الشخص بقمة الاستمتاع والإثارة والاشباع الجنسي لمجرد إنه يحك قضيبه أويلمس بيه أي جزء من جسم المرأة وتحديدا لو قضيبه لمس مؤخرتها وساعتها ممكن يتخيل نفسه بيعمل علاقة جنسية كاملة معاها 🙆🏼‍♀️ ..
ده كمان ساعات من قوة الإثاره اللي بيحسها في وقت الاحتكاك ممكن يوصل الشخص ده لذروة النشوة الجنسية وتحصل عملية القذف 🤷🏻‍♀️
كتير من الأشخاص اللى بتعمل السلوك ده مش بيعملوه لمجرد الرغبة في التحرش قد مابيعملوه نتيجة لإنهم بيعانوا من الانحراف الجنسي ده وهو الميل للتحكك ...
والدليل على كده هو إنهم بينبسطوا بالسلوك ده أكتر حتى من أي علاقة جنسية كاملة ممكن يعملها مع المرأة دي 😇
في أوقات تانية بيستخدم الشخص ده ايده للمس الضحية سواء في فخذها أو مؤخرتها 🤦🏼‍♀️

 

 

ملحوظة : 1
. غالبًا بيحصل السلوك ده في الأماكن المزدحمه وخصوصا الأتوبيسات.🚃
2. الشخص ممكن يكرر تجربة الاحتكاك مهما اتعرض لمواقف سلبية بسبب المشكلة دي
3. الاضطراب ده بيبدأ في سن المراهقة وبيقل في أوقات كتير بعد سن الخامسة والعشرين
.
4.مهم واحنا بنتكلم عن الإنحراف ده هو إننا نفرق بين إن الشخص بيقرر يتحكك بالمرأة على سبيل التحرش الجنسي لكنه ماعندوش أصلا أي فرصة إنه يمارس الجنس مع حد وبين إن الشخص بيحب يعمل كده حتى لو متجوز أربعه لإن ده لوحده حاجه بتبسطه 😇

✅ طب إيه سبب ميل الشخص للتحكك ؟!!🤔

◾واحدة من أشهر الأسباب الأساسية هي أساليب التنشئة الأسرية السيئة واللي بيكون ليها دور في تكون الانحراف دا زي (الفوضى فى الاسرة ..وعدم التفرقة بين الأبناء المراهقين ... أو عدم القدرة الشخص إنه يتحكم في نزعاته .. أو معلومات خاطئة عن الجنس )

 

‏ ٤) 🧒 Pedophilia عشق الاطفال

يمكن الإنحراف ده يكون واحد من أسوأ الإنحرافات اللي ممكن تكون في أي مجتمع وللأسف بتكون مؤذية ووحشية جدا 🤕..

للأسف في بعض الأشخاص المنحرفين جنسيا بيحصلوا علي اللذة والاستمتاع والإثارة الجنسية لما يحتك أو يغتصب أو يمارس الجنس مع طفل أصغر من ١٣ سنه 😳..وممكن يكون الطفل دا ولد او بنت 😕
والغريب إن الشخص ده بينبسط بممارسته الجنس مع الأطفال أكتر بكتير من إنه يمارس الجنس مع واحده كبيرة🙄

 

 

طيب إيه المعلومات اللي محتاجين نعرفها عن الإنحراف ده ؟؟

➡️ عادة بيكون الطفل اللي بيتم التحرش بيه ده أقل من ١٣ سنة يعني قبل سن البلوغ وبيكون ضروري علشان نقول عليه إنه سلوك منحرف إن المنحرف يكون أكبر من ١٦ سنه ويكون فرق السن بينه وبين الطفل أكتر من ٥ سنين

➡️ عادة الشخص بينجذب لجنسه المعاكس لكن ساعات بيبقى في أشخاص بتنجذب للولاد وبعضهم للبنات وبعضهم للاتنين

➡️ بعض الناس بيبقى إنجذابها الجنسي فقط للأطفال والبعض الاخر بيبقى للأطفال والكبار

➡️الشخص المنحرف ده ممكن يكون قريب أو بعيد للطفل مش شرط يكون مافيش صلة قرابة بينهم ..ده الشخص ده ممكن يكون جده أو خاله أو عمه أو حتى باباه ..وبعض الأشخاص اللي بيكون عندهم الإنحراف ده بيحاول يكون في صلة قرابه بينه وبين الطفل بأي طريقه حتى لو اضطر إنه يتزوج مامته ( اه والله بيحصل ) 😇!!

➡️الشخص الي بيعشق ممارسة الجنس مع الأطفال بيبدأ عادة بمداعبة الطفل أو ملامسته وتقبيله فقط وممكن يكتفي بكده ..وساعات الموضوع في أحوال أقل ممكن يتحول لممارسات جنسية كاملة 🤦🏼‍♀️ وللأسف الموضوع ده ممكن يسيب أثار إدمانيه عند الطفل ويأثر على توجهه الجنسي أو يأثر بصورة سيئة على الطفل ونفسيته.🙆🏼‍♀️

➡️ في معظم الأوقات الشخص ده بيكون كريم مع الطفل وبيكسب وده وثقته علشان يمنعه من الكشف عن العلاقة ويحافظ على السر

➡️ كتير من الاشخاص بيحاولوا يسيطروا على الإنحراف ده جواهم لكن لو اتعرضوا لظروف نفسية قاسية ممكن يحصل تدهور للحالة 😱

➡️ الأبحاث بتقول إن الأشخاص المصابين باضطراب عشق الأطفال🧒 بنسبة كبيرة بيكونوا بيعانوا من اضطرابات تانية🤦🏼‍♀️خاصة اضطرابات المزاج🥺واضطرابات الهلع (Panic Disorders)😱 وتعاطي المخدرات🍾💉💊 وكمان بيكون في منهم حالات من اضطرابات السيطرة على الانفعالات (Impulse control disorders)🤬 وحتى هوس السرقة 😳(Kleptomania ‏ و بيكون عندهم اضطرابات أخرى

✅ طيب في كتير هيسأل إيه هي أسباب الاضطراب ده ؟؟

◾نسبة كبيره من المصابين بولع الأطفال اتعرضوا للاعتداءات الجنسية خلال مرحلة الطفولة (حوالي أكثر من 50% منهم ويمكن ده يكون واحد من أهم الأسباب مع الأسباب المرضيه اللي لسه ذاكرينها من شوية .😱

٥) 🔃المازوخية Masochism

🚻 الشخص المازوخى ده هو الشخص اللي بيكون أثناء العلاقة الجنسية مبسوط وبيتلذذ وبيحصله إثارة جنسية ومتعة جنسية لما بيتعذب وبيتشتم وبينضرب 👊
اه والله فعلا في بعض الناس بيكون كل متعتهم واستثارتهم الجنسية هو إن شريكه الجنسي يهينه ويستحقره ويجرح كرامته 😱😱
زي مثلا اللي يحب يبوس رجليها وجزمتها 🩰 أثناء ما هيا بتشتمه وتهينه فده بالنسباله كده قمة الإثارة والمتعة عندها لما يعمل كدا وهي عماله تهزق فيه 😳 !!

➡️ ومهما كان الشخص ده قوي في الحياة ونجم ومشهور وكل الناس بتخافه وتحترمه 👨‍✈️.. لكن في العلاقة مش بيلاقي متعته ولذته الجنسيه إلإ لما يحصل فيه كده أثناء العلاقة الجنسية أو قبلها أو بعدها 🤷🏻‍♀️

 



➡️الطرق المازوخية في العلاقة الجنسية ( الاجهاد الجسمي - تقييد الحركة - تغطية الوجه - الصفع -الصعق بالكهربا - الوخز بدبوس - الشتم والسب )

➡️ النوع ده من الاضطرابات بتكون بدايتها فى المراحل العمرية الاولي يعني ممكن من الطفولة بتبتدي تظهر عليه بس بتكون في صورة خيالات بيتخيلها الفرد بينه وبين نفسه 🤔 ..ولما بيكبر بقي بيبتدي يطبقها 😁ويمارسها مع شريكه الجنسي أثناء العلاقة الجنسية .

➡️ وللأسف الشكل دا من التعامل أثناء العلاقة الجنسية بيسبب كتير من المشاكل لإنه بيخلق نوع من عدم التوافق والتفاهم بين الزوجين وصراعات كتير بسبب إن الطرف التاني في العلاقة رافض الشكل دا من السلوك 😩 ..وعادة بيوصل الأمر بين الزوجين للطلاق🤦🏼‍♀️ وده لإن طبعا لو الزوجة كانت سوية نفسيآ فهترفض النوع ده من الممارسات في العلاقة الجنسية❌
➡️ أما بقى لو صادف و كانت الزوجة🙆🏼‍♀️ بيغلب عليها الطابع المازوخى وكانت بتحب وعاشقة للتعذيب والألم والاهانة😁 وكان زوجها🧍 يغلب علية النزعة السادية يعني كان عنده رغبة وحب الإيذاء والضرب والشتيمة والعدوان على الزوجة أثناء العلاقة الجنسية أو العكس هنا بقى هتجتمع اللذة على أنقاض الألم.😂 ( وزى المثل الشعبي اللى بيقول ضرب الحبيب زى أكل الزبيب أو ماجمع الإ ما وفق)😅

➡️ ساعات بيكون السلوك المازوخي ده سبب لوفاة الانسان خصوصا لو تم معاملته بطريقة قاسية جدا وتم خنقه أثناء العلاقة لدرجة فممكن تخليه يعاني من فقد الأوكسجين والوفاة

✅ طيب لازم نعرف إيه الأسباب المسئولة عن حدوث المازوخية عن الشخص ❌

◾ممكن الأشخاص اللي عندهم السلوك ده يكونوا اتعرضوا لتجارب في الطفولة أقنعتهم إن الألم شئ مطلوب للذة الجنسية🙄
◾يكون الشخص اتعرض لكتير من الإهانة والعنف الشديد أثناء التنشئه من والديه أو المدرسة 😬
◾الصراع بين الدوافع الجنسية والعدوانيه من الطفولة
◾ تعرضه لخبرة جنسية سيئة فى الطفولة (اغتصاب – اختطاف – أو مشاهدة مواقف يتجسد فيها العنف 🙆🏼‍♀️)

٦)الساديـــــــــة الجنسيــــــــة Sadism


الشخص السادي ده شخص بيتلذذ وقمة المتعة والإثاره عنده لما يشتم أو يضرب👊 أو يعنف شريكه الجنسي وبيكون مستمتع وهو شايفه بيتألم وبيتعذب منه😳 ..
الشخص ده بيحصل على متعتة ولذته الجنسية لما يطلع الألم والعنف و العدوان و الإهانة للشريك اللي معاه ومش بيراعي مشاعره أو كرامته😁 ..وعادة السلوك السادي دا مش بيظهر غير في العلاقة الجنسية🙄

 


➡️ الشخص السادي ده مش بيوصل للذته الجنسية إلا لما يعذب محبوبتة سواء قبل العلاقة الجنسية أوأثنائها أو حتى بعدها 👉

➡️الاضطراب ده إسمه منسوب للكاتب الفرنسي الماركيز دى ساد في القرن 18. واللي اتسجن كذا مره بسبب أفعاله الجنسية العنيفة مع الستات🤦🏼‍♀️.

➡️الاضطراب ده عادة بيبتدي يظهر قبل 18 سنه

➡️الاضطراب ده ساعات ممكن يوصل بالشخص السادي إنه يغتصب و بعض من الاشخاص الساديين المغتصبين للأسف بيقتلوا الضحية بعد ما يمارس الجنس معاها وهو ده اللي بيخليه يكون مبسوط وسعيد 😲.

➡️طبعا الشخص السادي ده دايما بيكون فى مشاكل كثيرة بينه وبين الشريك ..وده لإن الشريك لو سوي نفسيآ مش هيقبل النوع دها من الممارسات ...ومش بس كده لان أكيد ده هيسبب عدم تفاهم وعدم توافق بين الزوجين وغالبا بيوصل الأمر بينهم لو متعالجش لمحاكم وطلاق 🙆🏼‍♀️.


✅ طيب إيه أهم الأسباب المسئولة عن حدوث انحراف السادية عند الشخص 🥺؟؟

◾تعرض الشخص ده لكتير من الإهانة والعنف الشديد في تنشئتة الأسرية من الأب والأم أو المدرسة🥺
◾الصراع بين الدوافع الجنسية والعدوانيه من الطفولة 😲
◾تعرضه لخبرة جنسيه سيئة فى الطفولة زي (اغتصاب – اختطاف – أو مشاهدة مواقف بيتجسد فيها العنف 🥴
◾ بيعاني من اضطرابات في الشخصية زي الشخصية المضادة للمجتمع

٧)البصبصة Voyeurism

الشخص العادي أو الطبيعي بيحصل علي متعتة الجنسية والإثارة الجنسية الطبيعية لما يمارس الجنس مع شخص من الجنس الاخر ☺️🫂
لكن في أشخاص متعته الجنسية إنه يبص أو يشوف شخص عريان مثلا .. أو لابس ملابس داخلية فقط👯 ... أو مثلا يتلصص ويشوف اتنين بيمارسوا الجنس مع بعض 😇 أو ممكن يتفرج علي أفلام أو مشاهد فيها سيدات من غير لبس وهما في العلاقة الجنسية😳والغريب إن الشخص ده بيلاقي كل متعته إنه يبص من غير إذن ومن غير ما الشخص التاني يعرف وبعدها يمارس العادة السرية

 

 

🧘 ✅النوع ده من الانحرافات الجنسية بيكون سببها كذا حاجة🥺

◾ممكن يكون الشخص ده بيعاني من القلق والتوتر فبيحولها لشهوة جنسية وبيخرجها في السلوك دا.
◾  صراع الفرد مع نفسه حوالين إنه عاوز يشبع الغرائز الجنسية بتاعته وبين قيم ومبادئ المجتمع وبين الإحباط الجنسي والمخاوف من الجنس🙆🏼‍♀️
◾أو يكون عنده إحساس بالنقص بسبب خلل في الجهاز التناسلي أو بسبب تأخر البلوغ، أو العقم أو بسبب أي مشكلة عضوية أو عاهة تحسسه بالنقص أكتر
◾نقص في التربية الجنسية أو إنها تكاد تكون غير موجودة من الأساس
◾ الخوف والقلق والانزعاج، والعنوسة والحرمان الجنسي أيضًا، مع الاختلاف اذا كان الشخص متجوز أو منفصل..
◾ وجود أصدقاء سوء تحفز الشخص إنه يثبت الانحراف ده عنده أو كثرة المشكلات عنده بسبب الوضع المادي
◾الخبرات اللي مش صحيحة والعادات والتقاليد المغلوطة الي بيكتسبها وبيتعملها الشخص من الأهل أو من الأصدقاء👯
◾عدم شعور الشخص بالرضا عن نفسه او افتقاده للسعاده و البهجة في الحياة🥺

8. الفيتشية مع تحول الزي transvestic fetishism

في الاضطراب ده بيحب الشخص يلبس ملابس الجنس الاخر .. ويتمكيج ويطول شعره أو يتخيل ده .وده اللي بيخلليه يحس بمتعة وإثارة جنسية بتوصل بيه لإثارة عاليه أو إنه يمارس العادة السرية وهو بيتخيل ده 👰‍♀️
➡️ في الاضطراب ده عادة بيحتفظ الراجل بهدوم نسائية وبيلبسها ويتخيل مع نفسه إنه ست و في رجالة تانيين معجبين ومنجذبين ليه 💃💃

 


➡️ عادة الاضطراب ده بيحصل في الذكور وبيبدأ عادة في الطفولة أو المراهقة

➡️ بعض الرجالة مع الوقت ومع تقدمهم في السن ساعات بيكونوا حابين يلبسوا ملابس نسائية معظم الوقت ومش عايزين يلبسوا ملابس رجالي تاني 😱

➡️ رغم كل ده ورغم كمان إنهم كتير بيخشوا في علاقات جنسية مثلية لكن الرجاله دي عادة بتنجذب للجنس الاخر أكتر ومش بيكون عندهم مثلية جنسية !!

إنحرافات جنسية أخرى :

1. الولع الجنسي بالحيوانات zoophilia
وده بيحصل كتير في سن المراهقة وخصوصا في القرى

2.الدعارة من خلال التليفونtelephone scatologia
وده بيكون الشخص كل متعته في عمل مكالمات جنسيه مع الجنس الاخر والتخيل وممارسة العادة السرية

3. شذوذ الولع بجزء من الجسم partialism

. شذوذ اشتهاء الموتى4  necrophilia
وفي دي الشخص بيحب يمارس الجنس مع شخص متوفي 😱

5. شذوذ الولع بالبراز coprophilia

شذوذ الولع بالبول .6  urophilia .

شذوذ الولع بالحقن الشرجية7. kliamaphilia.

ناس كتير هتسأل وتقول هل مع كل الاضطرابات والانحرافات اللي ذكرناها دي ... هل بقى في علاج لكل ده ؟!!🤔

👈اه طبعآ ليها علاج 💯 لإن ببساطة أي مشكلة نفسية أو اضطراب من الاضطرابات النفسية أو حتي أي سلوك غريب أومنحرف ليه علاج ..
لإن ببساطة زيها زي أي مشكلة بنعاني منها وبنروح للدكتور وبيقولنا علاجها إيه وبنمشي علي خطوات العلاج اللي قاللنا عليها👀😃

➡️ في طرق كتير لعلاج الانحرافات الجنسية ودي من افضل طرق العلاج اللي بتستخدم مع الانحرفات الجنسية😊

◾النوع الاول من العلاج بيكون دوائي 🎛️لتقليل الرغبة الجنسية🙄 لإن بعض العقاقير بتساعد على تقليل الرغبة الجنسية👤 وبرضه عقار مثبطات استرجاع السيروتونين المتخصصة SSRI ودا بيساعد علي تقليل الإستجابة الجنسية خاصةً القذف🙇، هزة الجماع في الرجال🙋 والنساء 🙆🏼‍♀️كمان بتحسن المزاج🤗.. وده لإن المزاج السلبي🥺 بيكون من أكتر الحاجات اللي بتخلي الشخص عنده ميل أكتر للجنس🚷..

◾ علاج هرموني: إعطاء الرجال مضادات التستوستيرون لعلاج الاستعراء وعشق الأطفال.🙇.

◾علاج جراحي: الإخصاء لتقليل هرمونات الذكورة 🙇لمرتكبي الجرائم الجنسية.. العمليات دي بيكون عليها تحفظات كتيره و أخلاقية لأنها بتؤدي إلى تشوه نفسي وجسماني🥺 وبتفضل مأثره عليه طول العمر 🙆🏼‍♀️

◾العلاج النفسي العقلانى السلوكى وهو الأفضل مع النوع دا من الحالات اللي بتعانى من انحرافات جنسية وده لإن الشخص اللي بيعانى من الانحراف الجنسي بيكون عنده كتير من الأفكار الغير منطقية والمغلوطة عن المرأة والجنس وعن العملية الجنسية عمومآ🤷🏻‍♀️ -
في الأول بنبتدي نتعرف👈 عن الأفكار الغير منطقية فى عقل الفرد أولآ🤔
- بعد كده بنبتدي👈 نستبعد أو نعمل دحض للأفكار الغير عقلانية
- بعد كدا هنتعلم ازاي 👈نستبدل الأفكار الغير منطقية بأفكار منطقية ونتحكم في انفعالاته 👉

◾التدريب على تمرينات الاسترخاء عشان نخفف القلق والتوتر اللي عنده

◾العـــــــــلاج السلوكــــــــي 👈
من طرق العلاج هو العلاج السلوكى واللي بنساعد المريض فيها إنه يتحكم في الإلحاحات الجنسية الشاذة اللي بتيجي في ذهنه ويتعلم إزاي يوقفها قبل ما ينفذها ومايمشيش وراها😁

👈 فمثلاً مريض الاستعراء بيعدي من مكان معين عشان يكشف عن أعضاءه وهو عارف إنه متعود يعمل السلوك ده في المكان ده لإن هو عارف إن في بنات بتعدي من المكان ده.. فبيتعلم ازاي يتجنب السلوك دا عن طريق إنه يبطل يعدي من المكان ده تاني لإن السلوك وفكرة تنفيذ السلوك ده مرتبط بالمكان ودي من طرق العلاج السلوكي😎

👈العلاج بالتنفير ودي طريقة من طرق العلاج السلوكي فبنحاول الربط بين المؤثرات والأفكار اللي ممكن توصل للانحرافات فبنستخدم حاجة مؤذية أو مؤلمة زي تيار كهربي خفيف😁 أو نقرصة في مكان معين في جسمة😆

➡️والأهم من كل ده إن لازم يركز العلاج على👇

• المشاكل في تكوين علاقة جنسية مشبعة🥰
• المشاكل في العلاقات الجنسية الموجودة
• مشاكل قلة الثقة بالنفس🙇
•عدم وجود نشاطات ممتعة🥺.
• عدم الإثارة الجنسية من المؤثرات الجنسية الطبيعية🙄
• مشاكل التحكم في الذات والاستثارة الجنسية من مؤثرات غير طبيعية🚷
➡️وده لإن لو الجنس الطبيعي أصبح مشبع عند الشخص هيقل الاحتياج للأشكال غير الطبيعية للجنس.🚷

◾العلاج الجمعي

بيساعد كتير النوع ده من العلاج .. وده بيكون في شكل تجمع عدد من المرضي اللي بتعاني من نفس المشكلة وبعد كده بيجلسوا في شكل دايره
وبيبتدى كل واحد فيهم بيتكلم عن خبره أو موقف ليه علاقة بالمشكلة وبيتكلم وبيوضح هو اتصرف ازاي ف الموقف بشكل صح ..
وبينقل خبرته للناس اللي قاعده وده بيساعد في تبادل الخبرات العلاجية وبيساعد في تبادل الأفكار👀👂 ..وبيساعد في اعترافهم بمسئولياتهم عن أفعالهم ..وبيساعد في إزالة الخوف من إفشاء أسرارهم لأن دا هيمنعهم من إبداء مخاوفهم.😯

◾تمرين المريض على تكوين مهارات اجتماعية👬 مختلفه وفعاله 😎

 

وفي النهاية ... لو بتعاني من المشكله دي أو أي مشكله نفسية تانيه تقدر تستفسر من خلال صفحتنا ..أو تتواصل معانا من خلال أرقامنا ..أو تزورنا في أقرب فرع من فروع عياداتنا .

إعداد : أستاذة / حنان محمد

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم : learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T