الأمراض الجسديه لأسباب نفسيه

Psychosomatic Disorders اضطراب الأعراض الجسدية لأسباب نفسية .. أو الاضطراب النفس جسدي .. أو اضطراب السيكوسوماتيك ، كل دي أسماء لللإضطراب النفسي اللي هنتكلم عنه في الموضوع ده ..

للأسف الإضطراب ده منتشر بين عدد كبير من الناس .. ومن المحتمل نكون احنا نفسنا بنعاني منه أو حد عزيز علينا بيعاني بسببه واحنا للأسف مش بنكون عارفين إن دي مشكلة نفسية أصلا وبالتالي مش بنطلب المساعدة !!

مشكله صاحبنا النهارده لما نيجي نسأله مالك؟ شكلك تعبان اوووي ليه كده 🤕؟! انت في حاجه في حياتك مضايقك او تعباك ؟

يرد علينا : لا عادي عادي!!! 😲😳😳

هو بيكون حاسس من جواه بنار🔥 في قلبه❤️ و بوجع فظيع اوووي 💔 بس للأسف مش عارف يقول اه أنا تعباااان اوووي 🙊🤐💔 ، اه انا موجوع اوووووي 💔، اه انا تعرضت لضعوط و صعوبات اووووي في حياتي ، مش عارف يعبر عن مشاعره 😶
فعمال يكبتها سنين لحد مايجي الوقت و يبدا جسمه يتكلم و يقوله كفايا كده بقي✋ ...
استفدت ايه لما النار ديه عماله تحرقك لجوا 😡 ،و ليه طول الوقت بتيجي علي نفسك عشان خاطر الناس ؟؟!!!
لحد متعبت 🤕 للاسف لما الجسم بيدأ يتكلم ساعتها مش بيهزر ، بيتكلم بجد ، ماعندهوش ياما احرمني فكلامه بيظهر في صوره :
قولون عصبي ارتفاع ضغط الدم، الصداع النصفي ، الروماتيزم، الذبحة الصدرية،تضخم الغدة الدرقية ، يعض الامراض الجلدية ، امراض الشريان التاجي ، عرق النسا

اي ده مش ديه اعراض عضوية ايه اللي جابها في النفسية ؟! 😲😳

مانا قولتلك لما الجسم بيتكلم معندهوش ياما ارحمني 😾 هي فعلاً اعراض عضوية و بيكون لها اساس عضوي بس في الاساس بيكون اساسها نفسي . حتي لاحظ نفسك في الاوقات اللي بتكتر فيها الضغوط عليك بتلاقيك بتعاني من الاعراض ديه سواء قولون عصبي أو الأعراض الروماتيزميه او....... لدرجه لا تحتمل ، لدرجه بتخليك ترجع تاخد الادويه بتاعتهم تاني 💊
او تروح تكشف عند الدكتور تاني🚶‍♂️

طب بيكون ايه سببها:

1- الحساسية المفرطة وشعور الشخص بالاحساس بالذنب😫 تجاه اي تصرف يصدر منه او يصدره الاخرين تجاهه

2- افتاد الشخص للحب و الاهتمام و الامان💔

3- التعرض لضغوطات و صراعات كتيرة في البيئة و عدم التكيف معاها

4- التعرض لصدمات مفاجأه زي موت شخص عزيز او الطلاق 💔

5- الشعور طول الوقت بالقلق و التوتر😤😫

طيب امتى الأعراض دي بتظهر عند الشخص ؟؟

 بتبدا الاعراض ديه قبل سن 30 و احيانا في اثناء مرحلة الطفولة

طيب ازاي نقي نفسنا من الاضطراب ده ؟؟

: مهم نتفادي مشكله النهارده باننا: نعبر عن مشاعرنا و نمارس تمارين الاسترخاء و عمل تفريغ انفعالي زي ممارسة رياضة مفضلة او المشاركه في انشطه محببه.

كمان مهم إننا نتواجد في وسط ناس داعمه لينا

طيب ازاي نعالج نفسنا من الاضطراب ده ؟؟

بيكون عن طريقين:
علاج دوائي : وده بيكون من خلال بعض الأدوية المضاده للقلق والاكتئاب واللي بيكون ليها دور في تفيف الأعراض النفسجسميه اللي عندنا

علاج نفسي:  وده بيكون من خلال جلسات العلاج النفسي واللي بيتم فيها  بيتم استخدام فنيات العلاج المعرفي السلوكي زي تمارين الاسترخاء ، و بنتعلم ازاي نعبر عن مشاعرنا بشكل سليم و ازاي نحل مشاكلنا و ازاي نتعامل مع ضغوطات الحياة من غير متأثر علينا بالسلب

 

وفي النهاية لو حابب تعرف أكتر عن الاضطراب ده تقدر تتفرج على الفيديو .. ولو حضرتك أو حد عزيز عليك بيعاني من المشكله ري أو أي مشكلة نفسيه أخرى تقدر تتواصل معانا من خلال صفحتنا على الفيسبوك أو تقدر تتواصل معانا وتزورنا في أقرب فرع من فروع عياداتنا

 

إعداد : أستاذة / بسنت مجدي

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم: learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T