فقدان الذاكرة النفسي أو النسيان الإنشقاقي Dissociative Amnesia

لما تقوم الصبح و ذكرياتك ميح .. وماانتش عارف نايم جارح و لا جريح !
حب و ذكري امبارح ..بكره كل ده صفر
هتلاقي نفسك تايه ..زي القشه في ريح !!
حرفيا هو ده الاحساس اللي بيحسه المريض اللي بيعاني من الاضطراب اللي هنناقشه في الموضوع ده 😱
المريض اللي بيعاني من النسيان الإنشقاقي مرة واحدة بيلاقي نفسه مش قادر يفتكر معلومات مهمة في حياته وبدون أي مقدمات وبدون كمان أي سبب عضوي 😱!!
وطبعا موضوع النسيان المفاجئ بيأثر على الشخص وحياته وشغله بصورة ملحوظة ..
ماهو ياحرام ممكن مايكونش فاكر حتى مكان شغله أو مش فاكر تفاصيل مهمة في علاقاته الاجتماعية 😥!!

 

 

طيب إيه الاسباب اللي ممكن تخللي شخص ما بدون أي سبب عضوي ومرة واحدة كده ينسى حاجات ماينفعش ينساها ؟؟

طبعا أهم سبب ممكن يخللي إنسان طبيعي تجيله المشكلة دي هي إنه يتعرض لصدمة نفسية كبيرة 😥😫.. و للأسف بتكون الصدمة ديه كبيرة أووووي عليه 😱..ومش بيقدر مخه إنه يستوعبها أو يتقبلها حتي😥!!
بيحاول الشخص إنه يحلها بس مش بيقدر🤷‍♀️🤦‍♀️ !!
وده اللي بيخليه من غير ماياخد باله إنه يلجأ لحيلة دفاعيه عشان يهرب🏃‍♂️🏃‍♂️ من الوجع الكبير ده 💔💔 فهروبه بيوصل إنه ينسي تماماً الصدمة و كأن الصدمة محصلتش خااااالص 🤦‍♀️ ...
زي الزوج اللي شاف مراته بتخونه مع راجل غيره😱🙀 ..
المنظر شديد عليه أوووووي 💔💔 ..ماكانش متوقع حاجه زي كده من مراته فبيبدأ يفقد الذاكره🧠 !!
و بيكون مش فاكر حتي الموقف و المنظر ده و بيتعامل كأنه شخص عادي ماشافش حاجة!!
زي بردوا صاحبنا اللي قاعد مع إخواته اللي بيوزعوا الورث و اختلفوا علي التوزيع و قلبت لخناقه كبيرة أوووووي .. فينام الشخص ده و لما يصحي يلاقي نفسه ناسي كل التفاصيل ديه ، بس لسه فاكر باقي حياته عادي لكن الحدث المؤلم هو اللي بيمسحه بالأستيكه تماماً كإنه لم يحدث !!
كمان من أسباب الاضطراب ده هو إن بيكون الشخص بيعاني إحساس بالذنب شديد أو الشعور باليأس و الاحباط من حاجات كتير بيقابلها في حياته 😞
ومن الحاجات كمان اللي ممكن تكون سبب للإضطراب ده هو التجاهل اللي بيعاني منه المراهقين أو الشباب سواء كان التجاهل ده من الاسرة او من شريك الحياة !!
كمان التعرض لظلم شديد ممكن يكون واحد من الأسباب اللي توصل شخص إنه يعاني من المشكلة دي 😥.

طيب إيه مسار ومآل الاضطراب ده ؟؟


بعض الحالات بيتم تحسنها و بتعود ذاكرتهم من غير التدخل العلاجي عن طريق إزاله الصدمة النفسية المسببة للاضطراب😀
و في بعض الحالات الموضوع للأسف ممكن يبقى مزمن أو متكرر وساعتها بنحتاج علاج نفسي طويل المدى شويه 😱 ..
وطبعا ده بيأثر على حياة الشخص ده الوظيفية والاجتماعية بصورة كبيره جدا 😥
كمان ممكن الموضوع للأسف يوصل مع بعض الحالات وخصوصا لو مناعتهم النفسية ضعيفة أو الحدث قوي أوي فممكن يحصل معاهم حاجة مصاحبة إسمها الشرود الانشقاقي🤔

طيب يعني إيه شرود انشقاقي ؟؟
بكل بساطة ده معناه إن مثلا لما أم تتعرض لصدمة إن ابنها اتقتل قدام عينيها🙀🙀 ، فبعد المنظر البشع ده 💔💔، ممكن الام تفضل تمشي وتلف في الشوارع لمدة أسبوع 🚶‍♀️🚶‍♀️، وقرايبها يفضلوا يدوروا عليها في الشوراع طول الفترة دي .. وهي مش عارفه هي مين و لا كانت رايحه فين ، وحتي مش فاكره الحادثة😥

 

طيب ازاي نقي نفسنا من المشكلة دي ؟؟

1- تجنب الصدمات قدر الامكان✋

2- وجودنا في وسط ناس بتحبنا وتدعمنا💞😀

العلاج:

 

1-  العلاج الدوائي وده بيكون عن طريق استخدام بعض العقاقير المختلفة على حسب الحالة تحت إشراف طبيب واللي بيكون منها بعض مضادات الاكتئاب أو مضادات الذهان

2- العلاج النفسي -

وده عن طريق إننا بنتعمق في الصراع اللي بيدور جوا الشخص
-بنقوي مناعته النفسية
- بنعلمه ازاي يفهم نفسه كويس
-بنعلمه ازاي يعرف يحل الصراعات ديه .. وازاي يتعامل مع الصدمات
- بنعلمه ازاي يعرف يحل مشاكله بأفضل طريقة ممكنه
- بنعلمه ازاي يعبر عن مشاعره
وطبعا مع مريضنا ده بنسخدم معاه العلاج المعرفي السلوكي ، و العلاج النفسي التدعيمي😍

وفي النهاية ... لو  بنعاني من المشكلة دي أو أي مشكلة نفسية تانية تقدر تستفسر من خلال صفحتنا .. أو تتواصل معانا من خلال أرقامنا أو تقدر تزورنا في أقرب فرع ليك من فروع عياداتنا  😊

إعداد : أستاذة / بسنت مجدي

مراجعة : د/حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم: learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T