تعدد الشخصيات : Dissociative Identity

في الموضوع ده هنتناقش عن مرض ولا في الخيال !!
مرض ناس كتير مش بتكون عارفه تستوعبه ولا عارفه حتى تتخيله !!
مرض أي حد هيقابل الشخص اللي بيعاني منه فمن المؤكد إن هيقول عليه ملبووووس أو مخاوي أو أي حاجه من الكلام اللي احنا بنسمعه لما مانلاقيش تفسير لموقف قدامنا !!
ماهو تخيل لو شفت بنت  مديره في بنك 👩‍💼 مثلا و بتلبس لبس شيك أووي و ليها استايل معين كده بتاع كارير المديره👩‍💼 وفجأه كده بعد ماتخلص شغل البنك ترجع تغير لبسها و تنزل تروح الكابريه و تشتغل هناك رقاصه أو فتاة ليل مثلا💃💃


تخيل هتقول على ده إيه ؟!!

طب إيه اللي بيحصل ده 🙀.. ازاي مديرة بنك بالصبح و رقاصه بالليل !!! 


للأسف هي بتكون مش مدركه كده خااااالص ولا بتكون عارفاه ولا بتكون فاكراه ✋🤦‍♀️  لإن بيحصل ده بشكل لا إرادي 🤷‍♀️،
و لما بتكون بالشخصيه التانيه بتنسي تماما الشخصيه الأولي و العكس بردوا لما ترجع للشخصية الأولي مش بتكون فاكره خالص الشخصيه المتقمصه أو الشخصيه التانيه ، لإن بيحصلها نسيان🧠
ده ساعات كمان ممكن تتقمص أكتر من شخصيتين ، ممكن 3 شخصيات أو أربعة أو حتى عشرة.. 🙊

طب إيه اسم الاضطراب ده 💥:


الاضطراب العجيب ده إسمه اضطراب الهوية الانشقاقي أو اضطراب تعدد الشخصيات

طب تعالوا نشوف إيه تعريف اضطراب الهوية الانشاقي🌠:

ده معناه إن الشخص ييتقمص شخصيتين أو أكثر, وبتقوم الشخصية الثانية بسلوكيات الشخصيه الأولي مش بتقدر تعملها . وبتكون الشخصيتين مالهومش علاقة ببعض خااااالص .. و بتكون كل شخصيه ليها العالم بتاعها و منفصل أو منعزل تماماً عن باقي الشخصيات 🤯 .
يعنى ممكن الشخصية الأولى (الأصلية) يكون إنسان انعزالى, هادى, أخلاقه بتكون عالية أووي ,
وبتكون الشخصية الثانية على النقيض تماما فيكون مثلا شخص اجتماعى أو بيسرق و يكذب,
وكمان كل شخصية بيكون ليها طريقة تفكير و لبس و أكل و كلام مختلف عن التانية . و الانتقال من شخصية لشخصية بيكون بشكل لاإرادى.
وكمان بيكون أصحاب مشكلة النهارده عادة عندهم فقدان الذاكرة الانفصالي ومش بيفتكروا اللي بيحصل .🤯

 

 


طب تعالوا نشوف أعراضه طبقاً ل DSM-5:

🤓 1- وجود هويتين أو أكثر و كل شخصية مختلفه عن الشخصيه التانية .. و كل شخصيه ليها نمط مختلف في الإدراك و في طريقه التفكير عن بيئته وعن نفسه.

2- حدوث ثغرات متكررة في استدعاء أحداث الحياة اليومية و المعلومات الشخصية الهامة أو الأحداث المؤلمة بتتعارض مع النسيان العادي 🧠

3- كل ده طبعاً بيأثر بالسلب علي حياته سواء حياته الاجتماعيه أو الدراسية أو المهنيه أو أي مجال في حياته

4- ماتكونش الأعراض ديه بسبب شرب الكحوليات

طب ممكن يكون إيه الأسباب اللي تخلي الشخص يوصل للمرحله ديه:😇

1- من أشهر الأسباب هو إن بيكون الشخص اتعرض لصدمة نفسية كبيرة أوووووي💔 و مقدرش إنه يواجها بنفسه ، فساعتها دماغه بتحاول تخفف عنه فبتروح تفصله عن الألم النفسي الكيير ده بإنه يعمل شخصية تانية ملهاش أي علاقه بالماضي المؤلم

2- بيكون الشخص في فتره الطفوله اتعرض لصدمات نفسية لفترة طويله زي الاعتداء الجسدي و الجنسي ، وممكن يكون حد اعتدي عليه جنسيا من الاهل أو من الاقارب💔

3- 90% من الحالات اتعرضوا لسوء المعامله في مرحلة الطفوله زي الإهمال العاطفي في التربيه و التذبذب في المعامله الوالدية.

4- تعرض الشخص لصدامات كبيره زي الحروب و وفاة حد عزيز عليه

معلومات إحصائية:

بيبدا الاضطراب ده في سن الطفوله ،و بيظهر لما الشخص يكون عمره من 20 ل 30 سنه -

بيكون في البنات 👩أكتر من الرجال بنسبة 1:5 -

الإعتقادات الخاطئة:


ناس كتيره بتكون فاكره إن تعدد الشخصيه هو الفصام أو السكيزوفرينيا بالرغم إن ده حماده و ده حماده تاني خاااالص...
السيكيزوفرينا بيكون عند الشخص هلاوس سمعيه و بصريه ( بيسمع أو بيشوف حاجات هي أصلا مش موجوده في الواقع) و بيكون عنده ضلالات زي ما ناقشنا في موضوع الفصام .. 
لكن اضطراب تعدد الشخصيه بيكون عند الشخص كذا شخصيه

مسار و مآل المرض:

بيكون التحسن أفضل كل ما كانت الأعراض في البدايه

ملحوظة :

 العلاج النفسي بياخد وقت طويل ولو الشخص ماتعالجش ممكن يوصل بالشخص إنه يعمل سلوكيات عدوانية زي السرقه والتحرش بالناس و ممكن يوصل إنه يتحرش بأبناءه

ناخد بالنا لو الحاجات ديه موجوده في الشخص بيفضل الاضطراب وقت طويل و بياخد سنين في العلاج:

1- بيكون عنده إضطراب الشخصيه Anti social personality disorder

لو الشخص عنده أعراض ذهانية أو مرض عقلي أو إدمان المخدرات -2



ازاي نحافظ علي نفسنا و علي أولادنا عشان مانقعش في المشكله ديه ؟؟:

1- مهم إننا نعبر عن مشاعرنا🗣️ ، و نعلم أولادنا إنهم يتكلموا و يعبروا عن مشاعرهم سواء مشاعر فرح أو مشاعر حزن

2- بعد ما نتعرض لصدمه لو لقينا نفسنا مش قادرين نتكيف أو نتعامل مع الظروف ما نكابرش و نلجأ للمعالج النفسي و نطلب المساعدة.

3- نكون موجودين في وسط ناس بيوفروا لينا الدعم💞

العلاج
العلاج الدوائي وده بيكون فيه بعض العقاقير المضادة لإكتئاب وبعض مضادات الذهان

العلاج النفسي : بيستمر العلاج النفسي لفترات طويله و بنستخدم العلاج النفسي التحليلي علشان ندمج جميع الشخصيات في شخصيه واحده .. و الكشف عن الصراعات اللي بتكون داخل الشخص.. و الخبرات المؤلمه اللي بيكون الشخص مَر بيها علشان نوصل بإنه يتصالح مع الصراعات اللي بتكون جواه و مع الشخصيات الكتيره اللي بتكون جواه و مع الخبرات المؤلمه

وفي النهاية .. لو حابب تعرف أكتر عن الاضطراب ده تقدر تتفرج على الفيديو .. لو انت أو حد عزيز عليك بيعاني من الاضطراب ده أو أي اضطراب نفسي تاني تقدرتستفسر من خلال صفحتنا أوتقدر تتواصل معانا من خلال  أرقامنا أو تزورنا في أقرب فرع ليك من فروع عياداتنا  

إعداد : أستاذة / بسنت مجدي

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم: learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T