الخمور والكحوليات

هنتكلم في الموضوع ده عن أكثر شيء في الدنيا تم إدمانه على مدار التاريخ وفي مختلف الحضارات والثقافات🧙‍♂️ .. و لإنه حاجه كانت مشهورة في كل الأزمنة والعصور وكان بيأثر على حياة الناس طول الوقت ..

فعلشان كده لما جيه الدين الإسلامي ولقاه بيأثر على حياة الناس العملية والإجتماعية حرمه تحريما قطعيا ..

طيب في البداية كده يعني إيه كحول ؟؟🤔

دي يا سيدي مادة طبيعية فيها نسبة سكريات ولما بتتخمر بيبقا ليها تأثير مسكر 😵🤭 وبيأثر علي العقل وبيخليك بطئ في الفعل ورد الفعل 🚶🚶 ومش قادر تركز وكأنك تايه 🤦

وفي علم الكيمياء 🧪 الكحول ده هو عباره عن أي مركب فيه oH ومركب الإيثانول CH3CH2OH ... هو المركب الكيميائي الفعال في المشروبات الكحولية 🍾🥂 وده بيتكون بطريقة التخمير

طيب إيه هو تاريخ الخمور وقصة حياتها ؟؟🥃🍷🥂

الخمور اتعرفت من زمان أوي أوي .. من قبل الميلاد وكانوا بيشربوه مع الأكل عادي 🤭

ده كمان اليونانيين والإغريق استخدموه في إحتفالاتهم الدينية على أساس إنه مشروب مقدس في طقوس السعادة 🥳😅

وفي الشرق الأوسط صنعوه من نبيذ العنب🍇والشعير🌾

أما في أوروبا بقى في العصور الوسطى كانت الدنيا خربانه وكله بيشرب رجالة وستات صغيرين وكبار ده غير إن مشروب العنب🍇 كان بيشربه الطبقات الراقية 👸🤴

أما بقى في أمريكا قعدوا يفكروا ويخططوا 😅لحد ما طوروا مشروباتهم الكحولية 🤭وعملوا منها أنواع كتير .

حبة معلومات إحصائية عن الكحول ؟🤔

1. لإنه مركب مسموح بيه في دول العالم فقدر العلماء إنهم يراقبوا نسب إحصائية عنه كتير وخصوصا في الغرب

2. متوسط إستهلاك الكحول في العالم 🌍 6.2 لتر للفرد

3. الدول الأفريقية أكتر دول العالم إستهلاك الكحول🥂

4. نسبة الإستهلاك في الولايات المتحدة بتوصل ل 13.3 لتر للفرد وفي ألمانيا 14.7 لتر للفرد وروسيا 22.3 لتر للفرد .

طيب إيه هي أنواع الخمور ودرجة إدمانها ؟؟💀

1. طبعا كلنا عارفين إن الخمور ليها أنواع كتير وعادة تركيز الكحول فيها بيتراوح من 3٪ ل 60٪ 3.
شدة إدمان المواد الكحولية بتكون متوسطة وبطيئة

طيب ايه طرق تعاطي الكحول 🥂؟ 🤔

1. بيتشرب في كاس زي ماكلنا عارفين 😂
2. بيضفوه على العصير 🍹
3. في دول بتصنعه علي الشيكولاته🍫
4. في ناس بتحطه علي العجين وتخبزه وتاكله 🍞 .

 



طيب إزاي ممكن أعرف إن ابني بيتعاطى الكحول 🤔؟؟

بنعرف عن طريق حاجه من اتنين ✌️..

يا إما بسبب آثار تعاطيه .. أو آثار أعراض إنسحابه ..

أولا : تأثير الكحول علي جسم الإنسان🍷🍻 ☠️😱

1. اضطرابات سلوكية : زي ( العدوانية - ضعف الحكم السليم على الأمور - التصرفات غير اللائقة - الاستهتار ).

2. مشاكل نفسية : زي ( عدم الإنتباه - عدم التركيز - سهولة الاستثارة - عدم استقرار المزاج )

3. إضطرابات نفسية: زي القلق والتوتر والإكتئاب والهوس

4. إضطرابات الجهاز الهضمي

5. حركة الجسم غير متزنة

6. إرتفاع ضغط الدم

7. قرحة المعدة

8. نزيف الحلق والحنجرة

9. الفشل الكبدي

10. فقدان الإحساس في بعض الأطراف

11. ضعف واضح في النظر👀

12. تلف خلايا المخ🧠 ويسبب الجلطات

13. سرطان الأمعاء

14. أمراض القلب

15. ضعف العضلات

16. هشاشة في العظام

17. الضعف الجنسي

ثانيا : أعراض إنسحاب الكحول 🍺:
1. ارتعاش الأطراف واللسان والجفون؛ وده بيبقى خلال ساعات من التوقف عن التعاطي
2. الغثيان والقيء🤮
3. الضعف العام
4. سرعة ضربات القلب وإرتفاع ضغط الدم
5. التعرق🥵
6. العصبية والكآبة🙍
7. صداع
8. جفاف الحلق
9. آلام المعدة
10. هلاوس سمعية بالرغم إن المريض صاحي وواعي نوبات صرعية شديدة :
ودي من الأعراض الخطيرة التي ممكن تحصل في الفترة دي إضطراب في الوعي مصحوب بالهذيان والارتعاش وده بنقول عليه Delirium Tremens وكمان بيكون في ضلالات وهلاوس سمعية وبصرية وده في خلال الثلاثة أيام الأولى.

طب تفتكر إيه اللي يخلي الواحد يشرب كحول 🤔

1. الجينات : 🤰 بعض الدراسات بتقول إن ولاد مدمنين الكحول عندهم قابلية أربع أضعاف لإدمان الكحول من ولاد الأشخاص غير المدمنين .

2. أسباب شخصية زي ..

نقص المهارات الإجتماعية في التعامل مع الناس 🤦
بيكون الواحد شايف نفسه قليل 😔
المشاكل الكتير مع الناس اللي حواليه 🤼

إهمال الأهل لأولادهم وعدم توجيههم بصورة سليمة ماعندوش مهارات التفكير وحل المشاكل ☹️ أو إدارة الغضب والإنفعال 🤬 2

- أسباب بيئية زي ..

أصحاب السوء ..

أبوه وأمه بيشربوا كحول ..

مافيش إهتمام من الأهل وبيسيبوا إبنهم يبات بره البيت كتير عادي

طيب إيه هو علاج إدمان الكحول ؟؟👩‍⚕️⚔️

المرحلة الأولى .. هي مرحلة تقييم المريض واللي من خلالها بنشوف أسبابه ودوافعه للتبطيل ومقدار شفافيته وظروفه الأسرية ..
وبعدها بنقيم كمتخصصين ..

هل المريض في الأساس قابل للعلاج بالمنزل مع المتابعة المنتظمة بالعيادة ..

ولا محتاج يكون في علاج بنظام الرعاية النهارية بصورة يومية ..

ولا محتاج يدخل مستشفى فترة قليلة ..

ولا محتاج وقت طويل في العلاج بالمستشفى 👌 ..

عادة دي بتكون فعلا أهم مرحلة في مراحل العلاج واللي بتحدد بصورة كبيرة ازاي هنعالج المريض  .. وللأسف دي المرحلة اللي بسبب عدم وضعها في الاعتبار ممكن تأدي لفشل العلاج ده ..
لإن كتير من المرضى أو من أسرهم بيكونوا غير واقعيين وبيختاروا إن ابنهم يتعالج في البيت وخلاص ..رغم عدم وجود دافعية قوية لإبنهم في التبطيل 😱

وعلشان نكون واقعيين .. فعادة بيكون ضروري في معظم الحالات إن يتم حجز المريض في الفترة الأولى من العلاج لحد ما مرحلة سحب السموم من الجسم تخلص على الأقل ..

وده لإن أعراض إنسحاب الكحول وخصوصا لو بجرعات كبيرة من الجسم بتكون شديدة جدا ومش بيقدر المدمن يتغلب عليها لوحده في البيت وبيضعف 💪..

فبنحجزه عادة بالمستشفى لحد ما حالة المريض تستقر ويقدر يمارس حياته اليومية بدون الإعتماد علي المخدر ..
وطبعا الطبيب المعالج لوحده هو اللي بيحدد الفترة دي 👨‍⚕️

المرحلة الثانية :

مرحلة سحب السموم من الجسم☺️

وده بيكون من خلال مجموعة أدوية بجرعات معينة بتساعد إن أعراض الإنسحاب تعدي على المريض بيسر وبدون ما يعاني أثنائها على الإطلاق أو تحصله مضاعفات من الإمتناع عن الكحول..

وطبعا في خلال المرحلة دي بيتم عمل تحاليل شامله للدم ووظائف الكبد علشان نتطمن على سلامة المتعافي 👌

المرحلة الثالثة .. العلاج النفسي والعلاج التأهيلي ومنع الانتكاسة

وبنركز فيها علي جلسات زيادة الدافعية والتأهيل النفسي والعلاج المعرفي السلوكي وبرنامج ال ١٢ خطوة 👏...
وده من خلال الجلسات دي :

العلاج النفسي الفرديIndividual Psychotherapy.

. العلاج النفسي الجمعي Group psychotherapy

. مجموعات المساندةSupport – group

. العلاج الأسري Family therapy

. كمان من الحاجات اللي بتساعد في منع الإنتكاسة هو إستخدام بعض الأدوية والعقاقير اللي بتقلل الرغبة لتعاطي المخدرات واللي بتحبط إحساس المريض باللذة في حالة التعاطي زي عقار النالتركسون💊

وفي النهاية ..لو حابب تعرف أكتر عن الموضوع ده تقدر تتفرج على الفيديو .. و لو حضرتك أو حد عزيز عليك بيعاني من المشكلة دي أو أي مشكلة نفسية تانيه .. تقدر تستفسر من خلال صفحتنا ..أو تتواصل معانا من خلال أرقامنا .. أو تزورنا في أقرب فرع ليك 😍

إعداد : أستاذ / باهر رضا

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم : learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T