الهيروين

هنتكلم في الموضوع ده عن واحد من أسوأ المواد المخدرة في العالم واللي بيعاني من إدمانها ملايين الأشخاص وأسرهم 😱..

موضوع النهارده هو ( مخدر الهيروين )

طيب مبدئيا كده ..إزاي بيتصنع مخدر الهيروين💉 ؟!🤔

أولا مخدر الهيروين بيستخرجوه من مادة المورفين الموجودة في الأفيون .. واللي هو المادة اللبنية المستخرجة من نبات إسمه الخشخاش .. وده طبعا بيخلي مفعوله وتأثيره الإدماني بيكون أكتر بكتير من تأثير مادة المورفين 😨💔

طيب مبدئيا تعالوا نعرف مع بعض تاريخ الهيروين وقصة حياته 🧐..

أولا :

الأفيون 🫓..

اكتشفوه سكان وسط آسيا قبل الميلاد وبعد كده إبتدى ينتشر في باقي دول العالم☺️.

استعمله قدماء المصريين في علاج الآلام الشديدة 🤕..

أطلق عليه السوماريين نبات السعادة😁..

أساء إستخدامه الصينين والهنود واليونانيون فأدمنوه وأوصى حكمائهم بمنع إستعماله✋..

العرب عرفوه من القرن الثامن الميلادي ووصفه إبن سينا لعلاج التهاب غشاء الرئة😷..

اتعرف في الهند من القرن السادس الميلادي كل ده غير حرب الأفيون اللي قامت بين إنجلترا والصين واللي إنتهت بهزيمة الصين ..

وفي الفتره دي وصل عدد مدمنين الأفيون في الصين إلى ١٥ مليون😱 .. في عام 1928 وصل عدد المدمنين 25٪ من مجموع الذكور في المدن الصينية وعانى كتير الشعب الصيني من إدمانه لحد ما أعلنت الحكومة الصينية بدأ برنامج فعال للقضاء على تعاطيه وتنظيم تداوله عام 1950م ..وكانت من أكتر الدول اللي اتعاملت معاه بصورة رائعة💔 .

ثانيا :

المورفين ..

ده أحد مشتقات الأفيون اللي قام العالم سيرتونر عام 1806م من فصلها عن الأفيون وبدأوا يستعملوها في الطب🙂..

وساعد الاستخدام الطبي للمورفين في العمليات الجراحية خصوصا في الحرب الأهلية في الولايات المتحدة الأمريكية عام 1861م 🤞...

مادة المورفين من المواد المعجزة في علاج الآلام الشديدة وخصوصا آلام السرطانات وآلام العظام الشديدة وآلام مابعد العمليات الجراحية 📌

ثالثا :

الهيروين ..

اتصنع أول مرة من مادة المروفين عام 1874م وصنعه مرة أخرى الكيميائي هنريك دريسار عام 1898م

وكان بيستخدم كدواء للعديد من الأمراض زي داء السل وسموه هيروين نسبة للتسمية الألمانية هيرويش ..

وبعد كده أساءوا إستخدامه فأدرجوه ضمن المواد المخدرة شديدة الخطورة🥺😑 .

يعتبر الأفيون والمورفين والهيروين من المخدرات التي بتثبط الجهاز العصبي المركزي🥺 وكلهم بيسببوا الإعتماد النفسي والإعتماد العضوي عند الشخص اللي بيتعاطى المواد دي من غير إشراف طبي دقيق🧑‍⚕️👌

طيب إيه الأسامي المشهوره لمادة الهيروين ؟؟🤔

بيعرف الهيروين بين المدمنين بأسماء كتيره زي ... بودرة - بيسة - B.S - فانيليا - الحلوة - .....

 

 

طيب إيه طرق تعاطي الهيروين 🤔 ؟؟

1- تدخينه🚬

2- إستنشاقه😷

3- الحقن المباشر بعد الخلط بالماء أو ببعض أنواع القطرات 💉

طيب إزاي ممكن أعرف إن ابني بيتعاطي مخدر الهيروين 🤔؟؟

بنعرف عن طريق حاجه من إتنين ✌️..

يا إما بسبب آثار تعاطيه .. أو آثار أعراض إنسحابه ..

تأثير تعاطي الهيروين💉

بعد تعاطي الهيروين سواء بالحقن أو الشم أو التدخين بيصل إلى المخ😨 وبيلتصق بمستقبلات خاصة إسمها مستقبلات الأفيون🙂 ..

ومع استمرار التعاطي لفترات طويلة بيحصل تغيرات في المستقبلات دي💔.

كمان الهيروين ليه تأثير على النواقل العصبية زي الدوبامين والنورأدرينالين، ومابيختلفش تأثير الهيروين عن المواد التانيه المستخرجة من الأفيون إلا بسرعة التأثير☺️😎

أعراض تعاطي الهيروين على الجسم 😇 .. _

السعادة المؤقتة والشعور بالنشوة _

الإحساس بالدفئ ودوخة خفيفة وخمول _

تقل اللسان _

إحتقان الوجه والعين _

ضيق حدقة العين _

إمساك مزمن _

عدم القدرة على التركيز والنسيان _

تسكين جميع آلام الجسم _

وجود علامات وآثار للحقن في ايديه أو رجله أو حتى رقبته .. أو وجود إحتقان في أنفه بسبب الشم تأثير إنسحاب الهيروين : 💉

أعراض إنسحاب الهيروين من الجسم 🤕 .

- آلام في العظام والعضلات -

- إسهال وقئ

- تدميع وإتساع في العين

- التثاؤب بكثرة

- الشعور باللهفة الشديدة للتعاطي

- توتر وقلق

- فقدان الشهيه

- إنخفاض الوزن

- تقلصات في البطن

- جفاف الفم

- إرتفاع درجة حرارة الجسم

- إضطراب في ضغط الدم

- بثور وإحمرار في الوجه

عادة بتظهر الأعراض الإنسحابية بعد حوالي 6 إلى 8 ساعات من تعاطي آخر جرعة😎 وبتصل لقمتها في اليوم التاني والثالث🤞 ... وتختفي الأعراض دي تماما وبيبرأ منها الشخص في خلال من أسبوع ل 10 أيام 🤓..
ولكن بعض الأعراض ممكن تستمر لفترة أطول لدرجة إنها ممكن توصل ل 6 شهور زي اضطرابات النوم والمزاج المتقلب 🙃!!

في أثناء الفترة دي بيحس المدمن بالكآبة والضيق🥺 وبيعاني من عدم الاستقرار وكثرة الحركة والتوتر والقلق وسهولة الاستثارة والضعف العام😑🤞..

مع شدة الأعراض دي وعدم وجود أدوية لأعراض الإنسحاب ممكن المدمن يجثو على قدميه ويزحف على الأرض🥺💔علشان بس جرعة هيروين تنقذه من عذابه !!

وممكن كمان يتنازل عن أي شيء في سبيل التخلص من الألم الشديد ده اللي بيحس بيه واللي مش بيهدى غير لما يتعاطى الجرعة 😭😫

طيب إزاي بينشأ إدمان الهيروين 🤔؟؟

بينشأ إدمان الهيروين لما يتعاطي الشخص جرعات منه😊مهما كانت صغيرة🤞 حتى لو أيام قليلة !!!

وده لإن بعدها بيبدأ المتعاطي في زيادة الجرعة علشان يحس بنشوة أكتر ..وكلما ما الشخص بيستمر في التعاطي كل ما هيستمر في زيادة الجرعة أكتر🥺 ..

بعد كده مش هيقدر يوقف التعاطي لمدة ماتزيدش عن 10 ساعات تقريباً😨 !!

بعد الفترة دي هيظهر عليه علامات الإشتياق للمخدر💔 !!

بعدها لو ماقدرش ياخد الجرعة الهيروين هيشكي من الأعراض الإنسحابية و اللي بتظهر بصورة جسدية شديدة جدا مايقدرش يتحملها المدمن ومايقدرش يتعايش معاها فيقرر ياخد الجرعة تاني 🚶‍♂️💔

طبعا ده بالإضافة للإدمان النفسي واللي بيكون فيه شغف ولفة شديدة جدا ناحية تعاطي المادة المخدرة 😔

طيب إيه أشهر الأمراض المصاحبة والناتجة عن تعاطي الهيروين 🤔؟؟

1- الإضطرابات النفسيه : ( الإكتئاب - القلق - إضطراب الشخصية المعادية للمجتمع - الفصام - والإنتحار اللي بتصل نسبته ل 15٪ )

2- الأمراض العضوية ( الإيدز بسبب نقل السرنجات والعلاقات الجنسية الغير سوية - إلتهاب الكبد الوبائي - الإلتهابات البكتيرية - السلوك الجنسي غير السوي - الضعف الجنسي - الندبات في الجلد )

3- درجة إدمانه شديدة جداً ومهما طالت مدة الإمتناع فالرغبة في التعاطي مره تانيه بتكون سبب كبير لإنتكاسات متكررة .

طيب إيه علاج إدمان الهيروين 🤔؟؟

المرحلة الأولى ..

هي مرحلة تقييم المريض واللي من خلالها بنشوف أسبابه ودوافعه للتبطيل ومقدار شفافيته وظروفه الأسرية ..

وبعدها بنقيم كمتخصصين ..

هل المريض في الأساس قابل للعلاج بالمنزل مع المتابعة المنتظمة بالعيادة ..

ولا محتاج يكون في علاج بنظام الرعاية النهارية بصورة يومية ..

ولا محتاج يدخل مستشفى فترة قليلة .. ولا محتاج وقت طويل في العلاج بالمستشفى 👌 ..

عادة دي بتكون فعلا أهم مرحلة في مراحل العلاج واللي بتحدد بصورة كبيرة ازاي هنعالج المريض من مخدر لعين زي الهيروين ..

وللأسف دي المرحلة اللي بسبب عدم وضعها في الاعتبار ممكن تأدي لفشل العلاج ده ..

لإن كتير من المرضى أو من أسرهم بيكونوا غير واقعيين وبيختاروا إن ابنهم يتعالج في البيت وخلاص ..رغم عدم وجود دافعية قوية لإبنهم في التبطيل 😱 وعلشان نكون واقعيين ..

فعادة بيكون ضروري في معظم الحالات إن يتم حجز المريض في الفترة الأولى من العلاج لحد ما مرحلة سحب السموم من الجسم تخلص على الأقل .. وده لإن أعراض إنسحاب الهيروين من الجسم بتكون شديدة جدا ومش بيقدر المدمن يتغلب عليها لوحده في البيت وبيضعف 💪.. فبيتم حجزه عادة بالمستشفى لحد ما حالة المريض تستقر ويقدر يمارس حياته اليومية بدون الإعتماد علي المخدر ..وطبعا الطبيب المعالج لوحده هو اللي بيحدد الفترة دي 👨‍⚕️

المرحلة الثانية :

مرحلة سحب السموم من الجسم☺️ ..

وده بيكون من خلال مجموعة أدوية بجرعات معينة بتساعد إن أعراض الإنسحاب تعدي على المريض بيسر وبدون ما يعاني أثنائها على الإطلاق ..
وطبعا في خلال المرحلة دي بيتم عمل تحاليل شامله للدم ووظائف الغدة والكلى وتحاليل لكافة أنواع الفيروسات علشان نطمئن إن ماحصلش إصابة بمرض خطير زي فيروس سي أو الإيدز حتى لو المريض أكد إنه بيتعاطى في سرنجات نظيفة 👌

المرحلة الثالثة ..

العلاج النفسي والعلاج التأهيلي ومنع الانتكاسة وبنركز فيها علي جلسات زيادة الدافعية والتأهيل النفسي والعلاج المعرفي السلوكي وبرنامج ال ١٢ خطوة 👏... وده من خلال الجلسات دي .. 

:. العلاج النفسي الفرديIndividual Psychotherapy

. العلاج النفسي الجمعي Group psychotherapy 

. مجموعات المساندةSupport – group.

العلاج الأسريFamily therapy 

. كمان من الحاجات اللي بتساعد في منع الإنتكاسة هو إستخدام بعض الأدوية والعقاقير اللي بتقلل الرغبة لتعاطي المخدرات واللي بتحبط إحساس المريض باللذة في حالة التعاطي زي عقار النالتركسون💊

وفي النهاية .. لو حابب تعرف أكتر عن الموضوع ده تقدر تتفرج على الفيديو .. ولو حضرتك أو حد عزيز عليك بيعاني من المشكلة دي أو أي مشكلة نفسية تانيه .. تقدر تستفسر من خلال صفحتنا ..أو تتواصل معانا من خلال أرقامنا .. أو تزورنا في أقرب فرع ليك 😍

إعداد : أستاذ / باهر رضا

مراجعة : د / حاتم صبري

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم : learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T