الترامادول

الترامادول💊💊

هنتكلم في الموضوع ده عن ماده غزت المجتمع المصري في الفترة الأخيره بصورة كبيرة أوي .. لدرجة إنها بقت متربعه في فترة من الفترات على عرش المواد الإدمانية اللي بيتعاطاها المصريين من مختلف الطبقات والثقافات ..

يمكن اللي خلاها تبقى كده لإن كتير من الناس لقت فيها الحل المؤقت لكل المشاكل الحياتيه ..

فاللي حاسس بآلام كان بيتعاطاه علشان يسكن آلامه وبالفعل مش بيحس بأي وجع !!

واللي عايز يحسن حياته الجنسية هيتعاطاه وهيبقى أداؤه الجنسي أفضل لإنه هيعالجله مشكلة سرعة القذف !!

واللي عايز يشتغل بدنيا أكتر هيقدر برده يتعاطاه وهيشتغل وقت أطول بمجهود أكتر ومش هيحس بتعب !!

وكمان اللي عايز يبقى مبسوط هيقدر مع تعاطيه مزاجه يتحسن وهيحس بسعادة أكبر !!

رغم إن يبان من المخدر ده إنه سحر بيحل كل المشاكل الحياتيه لكن للأسف مع فترة قليله من تعاطيه السحر بينقلب على الساحر وبيتحول الشخص لعبد للحباية دي واللي مع طول استخدامها هنلاقيه بيحس بآلام مع استخدامها ..
وعلشان يرجع يسكن الألم لازم يزود الجرعة ومع إيقافه هتزيد آلام إضافية وهي آلام أعراض الإنسحاب بالإضافة للآلام الأصلية 😇 ..

كمان مع تعاطيه على المدى الطويل هيقلل الرغبة الجنسية
وكمان هيقلل للشخص رغبته في الشغل مع إدمانه وطبعا كل الحاجات دي مش هتخليه مبسوط وهيكون حاسس بالذنب 🥲

النهارده هنتكلم عن مخدر الترامادول ..

 

 

في البداية تعالوا نعرف مع بعض إيه قصة مادة الترامادول دي 🤔؟؟

1.اللي اخترع الماده دي وهي ترامادول هيدروكلوريد☺️ مجموعه من الألمان سنة 1962 علشان يعالجوا بيه الآلآم المتوسطة والشديدة زي الآلإم الناتجة عن أمراض السرطان والعظام المزمنة🥺🧑‍🔬..

2. في الأول كان بيتصرف من غير روشته📝..بس بعد ما بدأوا يستخدموه غلط واكتشفو إنه بيوصل للإدمان😰 .. وبدأوا من سنة 1989 يوقفوا إستخدامه .. وبقى لازم يستخدم يتم تحت إشراف طبيب🧑‍⚕️وبنظام معين👌

3. بدأو يستخدموه بديل لأنواع تانية من المخدرات🥺زي الهيروين .. فبياخدوا الترامادول بديل عنه علي أساس إنه أقل خطورة😁 ..لكن في الحقيقة الإتنين نفس المشكلة والخطورة😑

طيب إزاي الترامادول بيشتغل في جسمنا وازاي بندمنه🤔 ؟؟

أول حاجه بيعملها الترامادول لما بيدخل جسمنا هو إنه بيمسك في مستقبلات عصبية في المخ إسمها( الميوريسيبتورس) ودي المسئولة عن مشكلة الإعتمادية في المخدرات🤞

في الطبيعي احنا بناخد جرعات بيحددها الطبيب وبتبدأ من (mg 50) وعلي فترات عشان منتعودش عليها😎

لكن المدمن بياخد جرعات كبيرة وبتدخل الجسم مرة واحدة مبيقدرش يتأقلم عليها وبيبقي عدد المستقبلات مش مناسب للجرعة اللي خدها وده بيخلي المستقبلات تزيد في العدد وبكده لازم نزود الجرعات في كل مرة عشان نوصل لنفس الإحساس اللي كنا بنحسه🤞😏

ومن هنا بتيجي فكرة الادمان والتعود واننا نزود الجرعة بتاعتنا بصورة كبيرة جدا 😱

طيب إيه الأسامي المشهوره للمركب ده ..وإيه أنواعه 🤔؟؟

المركب ده ليه أسامي مشهورة كتير في المجتمع بتاعنا😁 زي

(تامول-ترامادول أبيض أو أحمر- تيدول-تراماجاك- فراولة ) ومنه جرعات مختلفة تركيز(50-100-200-225) واغلب الموجود عندنا في مصر تركيز(100-200-225)

 

 

طيب إيه الآثار الناتجة عن إدمان الترامادول 🤔؟؟

1: مشاكل في النوم(نوم مش منتظم ممكن يقعد يوم واتنين مش قادر ينام)

2: مشاكل في التركيز🧐

3: مشاكل في ردود أفعاله (رد فعله بيكون بطئ) وده اللي بيفسر وقوع حوادث كتير من عربات النقل اللي بتسافر مسافات طويلة .. وده لإن السواقين بيحاولو يعتمدوا علي الترامادول كمنشط عشان يقدر يساعدهم يكملوا الطريق😏.. ويفضلو صاحيين باليومين وأكتر لكن في الاساس بيخلي عندهم رد فعل بطئ وده اللي بيخلي الحوادث تحصل🤞🥺💔

4: مابيحسش إنه عايز يأكل طول الوقت وعنده فقدان للشهية😷

5: بيأثر علي الحوامل وبيأدي لمشاكل كبيرة جدا بتوصل للإجهاض وتشوه للجنين👶

6: لما جرعات الترامادول بتزيد بيحصل مشاكل أكبر من كده زي نوبات صرع كبيرة ممكن تخلي الإنسان يقع في أي وقت وأي مكان😞

7: مشاكل في إنزيمات الكبد🙂

8: مشاكل في التنفس أو فشل تنفسي يؤدي للوفاة

9: ده غير طبعا الأعراض النفسية زي الهلاوس والضلالات وإضطراب ثنائي القطب والاكتئاب😨

طيب إيه أعراض الإنسحاب اللي بيحسها الشخص اللي بيحاول يقلل الترامادول أو يوقفه 🤔؟؟

بيحس بأعراض إنسحاب شديدة جدا واللي مش بيقدر يتحملها وأعراض الانسحاب دي بتستمر من (5 إلي 10) أيام حسب الجرعات اللي المريض بياخدها ..وحسب حالته الصحيه اللي وصلها بعد ما بقي مدمن لمخدر الترامادول🙂

أعراض الإنسحاب 🤕....

1: بيحس بتعب وخمول شديد😰

2: رعشه في الجسم كله

3: آلآم شديدة في المفاصل

4: تشنجات عضلية في كل مكان

5: تقلصات شديدة في المعدة

6: غثيان وقئ🤢

7: مشاكل في حركة الأمعاء وعسر هضم

8: إسهال وإمساك

9: تغير في درجه حرارة الجسم شوية برودة شديدة وشويه سخونية شديدة🤒

10: ده غير المشاكل النفسية من عصبية وخنقة وشخصيته بتتغير وانعزال☹️

11: حدوث نوبات صرع بسبب البؤر الصراعية اللي بتحصل من تعاطي الترامادول💊😰💔

طيب ازاي نعرف إن إبننا بيتعاطي ترامادول🧐؟

بنقدر نتوقع إن إبننا بيتعاطى النوع ده من المخدر هو إنه يكون ظاهر عليه أعراض تعاطي مادة الترامادول ..
أو إنه يظهر عليه أعراض الإنسحاب اللي ذكرناها لو منعناه من الخروج من المنزل كذا يوم .. لكن هتكون الطريقة الوحيدة اللي بتأكد لنا إن الشخص ده بيتعاطي الترامادول هو عمل تحليل المخدرات ليه عن طريق عينة البول ..واللي بيتم في العيادات النفسية فقط💪😎

 

طيب إزاي نعالج شخص بيعاني من إدمان الترامادول من خلال عياداتنا🚶‍♂️🚶‍♂️🚶‍♂️؟؟

1: مرحلة إزالة السموم من الجسم أو علاج أعراض الانسحاب ودي مدتها مش بتزيد عن أسبوعين☺️ والهدف منها إني أخلي الشخص ده يرجع يعيش حياته الطبيعية تاني ..يعرف إزاي ياكل وينام ويكون عنده نشاط بصورة طبيعية من غير تعاطي الترامادول☺️😎 وده بيكون عن طريق أدوية تحت إشراف الطبيب النفسي فقط🧑‍⚕️🤎

2: مرحلة التأهيل النفسي وهدفها إننا نقوي شخصية المريض💪..ونزود دافعيته ..ونمنع إنتكاسته ..ونغير من نمط حياته ..ونخليه بعيد عن تعاطي المخدرات وده عن طريق الجلسات الفردية أو الجماعية أو الجلسات الأسرية لتعليم الأهل ازاي يتعاملو مع المريض طول الوقت🤞🥰

في النهاية... الترامادول مخدر زي أي مخدر بتبقي بدايته حلوة ..لكن نهايته طبعا سيئة أوي ومدمرة جدااا وسودااا علي دماغ اللي محاولوش يبطلوه😁🤞

وفي النهاية لو حابب تعرف أكتر عن مخدر الترامادول تقدر تشوف الفيديو ده .. ولو حضرتك أو حد عزيز عليك بيعاني من المشكلة دي أو أي مشكلة نفسية تانية فتقدر تتواصل معانا من خلال صفحتنا وهيرد عليك حد متخصص .. أو تقدر تتواصل على أرقامنا وتزورنا في أحد فروعنا وهتلاقي فريق متخصص تحت أمر حضرتك 😍

إعداد : أستاذ / باهر رضا

مراجعة : د / حاتم صبري

 

موسوعة الطب النفسي

الفصام
الفصام : schizophrania
الاكتئاب : depression
ثنائي القطب : Bipolar
القلق العام : (GAD) GENERALIZED ANXIETY
اضطراب الهلع : panic disorder
الرهاب المحدد : specific phobia
الرهاب الإجتماعي: social phobia
الوسواس القهرى : O.C.D
إضطراب الجسد المُشوَّه : Body Dysmorphic Disorder
اضطراب الاختزان : Hoarding Disorder
هوس نتف الشعر Trichotillomania
الضغط العصبي الحاد : Acute stress disorder
فقدان الذاكرة النفسي أو النسيان الإنشقاقي Dissociative Amnesia
كرب مابعد الصدمة : P.T.S.D
النوم واضطراباته : sleep disorder
تعدد الشخصيات : Dissociative Identity
الأمراض الجسديه لأسباب نفسيه
قلق المرض : illness anxiety disorder
إضطراب التحول Conversion Disorders
فقدان الشهية العصابي : Anorexia nervosa
الإضطرابات الجنسية : sexual disorders
إضطراب الهوية الجنسية : gender identity disorder
الانحرافات الجنسيـــــــــــــــة: paraphilias (sexual deviations)
اضطرابات الشخصية :PERSONALITY DISORDERS
الشخصية الحدية : borderline personality
الإنتحار : suicide
إيذاء الذات :self harm
الزهايمر : Alzheimer
الإدمان : addiction
التوحد : autism
(اختبار الذكاء I Q)
ADHD: نقص الإنتباه وفرط الحركة
صعوبات التعلم : learning disabilities
التبول الليلي
القلق عند الأطفال
سلوكيات أطفالنا السيئة
إضطرابات نفسية أخرى عند الأطفال
اضطراب السلوك عند المراهقين : Conduct disorder
العلاج المعرفي السلوكي : C B T